SAKSI si Alicia sa pagkakaibigan nina Anthony at nang pinsan niyang si Tope. Simula nga nang mabalitaan nitong nagpakamatay si Anthony ay lumuwas pa ito galing probinsiya para lamang makita ang kaibigan hanggang sa huli nitong himlayan. Napapitlag si Alicia kasi habang nakasilip si Tope sa kabaong ng kaibigan nito ay nakita niya si Anthony sa likod nito. Lingid sa kaalaman ng lahat ay meron siyang third eye. Wala siyang pinagsasabihan niyon dahil natatakot siyang katakutan. Pasimple siyang lumapit dito at binulungan ito na 'wag muna itong dumeritso sa bahay nito. Sana naman ay sumang-ayon ito sa sinabi niya.
