MATIYAGANG nag-aabang ng masasakyang taxi si Anthony. Kalahating oras na rin siyang naghihintay doon na tila nagdadalawang isip kung gagawin ba niya ang bagay na iyon! Pero buhay na ng anak niya ang nakasalalay! Ayaw niyang mawala ito sa kaniya! Nang may tumigil na taxi sa tapat niya ay agad naman siyang sumakay doon! Ho-holdapin lang naman niya ang drayber pagkatapos ay bababa na rin siya pero nagulat na lamang siya nang ilihis nito ang ruta ng minamaneho nitong taxi. Papunta iyon sa police station. Kailangan na niyang mapatay ito bago pa ito tuluyang makapagsumbong sa mga pulis!
