He's 5 Years Older Than Me [YOUNG LOVE SERIES#1]

Kabanata 41:

Kabanata 41:
- Invitation Card -

KLARISSE DEVELIA POV:)

"Ano ba?! Ilipat mo na kasi!"

Sino pa ba 'yon? Ee di si Ax. Siya lang naman palaging umaaway sa akin dito.

"He! Tumahimik ka dyan!" Singhal ko at nilagay ko sa loob ng damit ko ang remote para di niya makuha iyon sa akin.

"Hayst! Matatapos na yung gusto kong panoorin." Parang bata na pagmamaktol nito halos kumakamot pa ito ng kanyang ulo.

Palihim na tiningnan ko ito. Napangiti nalang ako dahil feeling ko nakaganti na ako sa pinaggagawa niya sakin. Gumagaan na rin ang loob ko dahil sa wakas nakabawi na rin ako sa kanya.

Nakangiting bumaling ako ulit sa pinanonood ko.

"I'm home." Sabi ng bagong dating.

"Hi, Kuya Lloyd." Bati ko nang makita siya.

"Hi, Princess." Nakangiting matamis bati rin nito sakin.

"Tol, yung pinabibili ko sayo?" Tanong ni Ax dito.

"Nasa bag." Sagot nito.

Tumayo si Ax sa pagkakatayo at lumapit sa kinaroroonan ni Kuya Lloyd. Hinalungkat nga ni Kuya Lloyd ang kanyang bag at may nilabas na plastic folder na naglalaman ata iyon na parang mga coupon band at may nilabas pa itong maliit na box.

"Pinabibigay ni Bryan yan. Yan daw yung pinapa-print ni Louis. Kaw nalang daw magbigay saka ito na yung pinabibili mong kwintas. Bayaran mo ko nyan ah? Ginamit ko yung pera ko baon ko next week." Sabi ni Kuya Lloyd nang ibigay iyon kay Ax.

"Ehem! Salamat. Magkano pala 'to?"

"Mahigit 80k yan. Ang mahal pala nyan kala ko nasa 50k lang ang mga ganyan. Sabagay mahal din kasi ang brand na yan." 

Bahagyang nagulat naman ako sa price. Halatang mamahalin nga yung pinabibili ni Ax dito. Sabagay, mayaman siya. Kotse palang niya sobrang gara na. Halata sa mukha niyang anak mayaman siya. Makikita mo palang sa kutis nya na halatang allergy ito sa araw, hindi ito nagbibilad o natatamaan lang ng sikat ng araw plus kita mo palang sa kamay nito na halatang malambot iyon.

Di na ko magtataka kung kaya niyang makabili ng mamamahaling bagay.

"Kunin mo nalang sa kuwarto ko yung wallet ko. Nasa wallet ko yung ATM ko. Kaw na kumuha ng pambayad ko sayo basta alam mo na yung password ko." Bilin nito kay Kuya Lloyd. Wow, pinagkakatiwala niya ang ATM niya kay Kuya Lloyd? At alam pa password nito. Nice! Magbarkada talaga, nagtitiwalaan sa mga pera.

Tumalikod na ito para pumunta sa taas nang magsalita pa si Kuya Lloyd.

"Kanino mo pala ibibigay ang kwintas na yan? May magbi-birthday ba?" Tanong nito dito. Oo nga, para kanino yung kwintas? Sino ba magbi-birthday?

"Basta!" Tugon lang nito at patuloy na tumungo sa hagdanan at pumanhik na.

"Ehem! Alam ko na kung sino. Si Stacey 'no? Hehehe." Pabirong hula ni Kuya Lloyd.

"Hindi." Tanggi ni Ax habang pumapanhik.

"Weh? Wag kana magsinungaling! Birthday kaya nun bukas. Anyway, pupunta ka ba bukas ng party sa bahay nila?" Pag-iiba nito ng topic.

Tumigil sa dulo ng hagdanan si Ax at walang reaksyon ang mukha na bumaling siya dito.

Ako naman ay nanatili lang nakatingin sa kanya at di ko alam ano na naman itong sari-saring nararamdaman ko ngayon. Nasasaktan ba ako o wala lang sakin iyon? Pero para bang may nararamdaman ako kakaiba sa puso ko na mababaliw ako kung ano yung nararamdaman ko ngayon. Tila bang may kumikirot sa dibdib ko na parang tinusuok ng maraming karayom iyon.