Unicode Version
သူမနဲ့တစ်ဖန်ပြန်ဆုံခြင်း
ရွက်ကြွေအိမ်သို့လမ်းလျှောက်နေစဥ်ရွက်ကြွေခန္ဓာကိုယ်ကိုတစ်ခုခုဖြတ်သွားသလိုခံစားလိုက်ရသဖြင့်ရွက်ကြွေလျှောက်လက်စခြေလှမ်းတို့ကိုရပ်လိုက်ကာပတ်ဝန်းကျင်ကိုဝေ့ကြည့်လိုက်မိတော့လမ်းရှိဓာတ်တိုင်တို့၏လမ်းမီးပြပြတို့ကိုသာတွေ့ရသည်။ထိုစဥ်ရုတ်တရက်ရွက်ကြွေစိတ်ထဲတွင်ကျောချမ်းသလိုခံစားလာရသဖြင့်အိမ်သို့သာရွက်ကြွေမြန်မြန်လျှောက်လာဖြစ်သည်။
ရွက်ကြွေဆိုသောရွက်ကြွေဝေသည်ဘွဲ့ရပြီးစအလုပ်မရှိသေးသူဖြစ်သည်။ရွက်ကြွေတွင်အလုပ်လုပ်ချင်စိတ်ရှိသော်လည်းဒေါ်လေးငယ်နဲ့ဦးကြီးတို့၏ကျောင်းကိုသာပြီးအောင်တက်ပါဆိုသောဖြောင်းဖျစကားတွေကြောင့်ကျောင်းပြီးမှအလုပ်စလျှောက်ခြင်းပင်။အန်ကယ်ကြီးကတော့ရွက်ကြွေအလုပ်လျှောက်ဖို့အတွက်ကူညီပေးမည်ဟုပြောဖူးသော်လည်းရွက်ကြွေကအိမ်တော်၏အရိပ်ကိုမယူချင်၍ကိုယ်တိုင်ငြင်းလိုက်ခြင်းဖြစ်သည်။အလုပ်စစလျှောက်စဥ်ကအလုပ်တစ်ခုရခဲ့သော်လည်းရွက်ကြွေနဲ့အဆင်မပြေသဖြင့်၆လလောက်လုပ်ပြီးထွက်လိုက်ခြင်းဖြစ်သဖြင့်အလုပ်မရှိသေးသည်ကရွက်ကြွေ၏လက်ရှိအနေအထားပင်။
ရွက်ကြွေနေသည်ကလမ်းရဲ့ထိပ်ဘက်ရှိတိုက်ခန်း၏အပေါ်ဆုံးထပ်တွင်ဖြစ်သည်။ရွက်ကြွေတိုက်ခန်းအောက်သို့ရောက်မှကျောချမ်းနေသောစိတ်များပျောက်သွားလေသည်။ရွက်ကြွေနေသောတိုက်ခန်းတွင်ဓာတ်လှေကားမရှိသဖြင့်ရွက်ကြွေအခန်းသို့လှေကားကိုဖြည်းဖြည်းမှန်မှန်တက်ရင်းနဲ့သာလာခဲ့သည်။ရွက်ကြွေအခန်းတံခါးကိုဖွင့်၍အခန်းထဲသို့ဝင်ပြီးသည်နှင့်အခန်းတံခါးကိုပြန်ပိတ်ကာမဲမှောင်နေသောအခန်းကိုမီးဖွင့်ရန်တံတောင်ဖြင့်နံရံတွင်ရှိနေသောမီးခလုတ်ကိုထိလိုက်သည်။အခန်းလင်းသွားမှရွက်ကြွေလက်ထဲကပိုက်ဆံအိတ်ကိုစားပွဲပေါ်တင်ပြီးမှနောက်လက်တစ်ဖက်ထဲမှအိမ်အတွက်လိုအပ်သည့်ပစ္စည်းများဝယ်လာသောအထုပ်ကိုချပြီးပစ္စည်းများကိုနေရာတကျထားကာသိမ်းဆည်းလိုက်သည်။
