Unicode Version
မင်းသူငယ်ချင်းကိုကူညီရမယ့်နည်းလမ်းကိုငါမသိဘူး။
"ထူးထူးဆန်းဆန်း ငါဆီကကားတွေဘာတွေငှားလို့ပါလား။ ဘယ်သွားမလို့လဲ။"
ဖိုးယံကကားသော့ကိုသူငယ်ချင်းမင်းဒီပါဦးဆိုလှမ်းပစ်ရင်းမေးလာသည်။မင်းဒီပါဦးကားသော့ကိုလှမ်းဖမ်းပြီးမှ
"Personal Case ဆိုရင်အဖြေကလုံလောက်ပြီမလား။"
ဖိုးယံကိုပြန်ဖြေရင်းမင်းဒီပါဦးနီရဲနေသောပြိုင်ကားအနီလေး၏ကားမောင်းသူနေရာတွင်ဝင်ထိုင်လိုက်သည်။ကားတံခါးကိုပိတ်လိုက်ပြီးမှကားမှန်ကိုပြန်ချကာ
"အာ မေ့တော့မလို့။ မင်းကားကအကြမ်းခံတယ်မလား။"
မင်းဒီပါဦးအမေးကိုဖိုးယံတစ်ယောက်ယောင်ယမ်းကာခေါင်းညိတ်ပြပြီးမှ
"ဒီပါ မင်း..မင်းဘာလုပ်မလို့လဲ။"
"တစ်ခုခုလုပ်မလားလို့လေ။ ကဲပါ ငါသွားပြီ။"
ဖိုးယံ၏လန့်သောမျက်နှာပေးနဲ့အထစ်အထစ်အမေးကိုမင်းဒီပါဦးခပ်အေးအေးသာဖြေပြီးကားကိုမောင်းထွက်သွားသဖြင့်
"ဟိတ်ကောင် မင်းဒီပါဦး ငါ့ကားတစ်ခုခုဖြစ်ရင်မင်းအသေပဲကွ။"
ကျန်ခဲ့သောသူငယ်ချင်းဖြစ်သူ၏ခြိမ်းခြောက်စကားကိုမင်းဒီပါဦးတစ်ယောက်မကြားခဲ့။တကယ်၍ကြားဖြစ်ခဲ့လျှင်လည်းမင်းဒီပါဦးကဂရုစိုက်မည်မဟုတ်သည်ကိုတော့ဖိုးယံလည်းသိပေသည်။
နီရဲတောက်နေသောပြိုင်ကားအနီလေးသည်အဝေးပြေးလမ်းမကြီးပေါ်တွင်ဦးတည်ရာမဲ့ပြေးလွှားနေသည်။မင်းဒီပါဦးကားဆီယာဒိုင်ကိုမနားတမ်းလှည့်ပြီးလက်ညောင်းလာမှပြိုင်ကားလေးကိုလမ်းဘေးထိုးရပ်လိုက်ကားတံခါးကိုသူဖွင့်ရင်းဂျက်ကတ်ထဲမှဆေးလိပ်ဗူးကိုထုတ်လိုက်သည်။ဆေးလိပ်ဗူးထဲမှဆေးလိပ်တစ်လိပ်ကိုဆွဲထုတ်ပြီးဆေးလိပ်ကဆေးလိပ်ဗူးပေါ်တွင်တောက်နေမိသည်။
"တောက် တောက် တောက် တောက်"
ဆေးလိပ်ဗူးနဲ့ဆေးလိပ်တောက်နေရာမှထွက်လာသောအသံနဲ့အတူမင်းဒီပါဦးသည်လည်းတစ်ချိန်ကညီမဖြစ်သူပြောခဲ့သည့်စကားများကိုပြန်ကြားယောင်နေမိသည်။
”အဟွပ် အဟွပ် ညီမလေးချောင်းဆိုးနေပြီ။အဲဒါကိုကိုဆေးလိပ်သောက်လို့ဖြစ်တာ။.. ညီမလေးကဆေးလိပ်သောက်တဲ့ကောင်လေးတွေထက်ဆေးလိပ်မသောက်တဲ့ကောင်လေးတွေကိုပဲသဘောကျတာနော်။.. ကိုကိုဆေးလိပ်တွေမသောက်နဲ့။ဆေးလိပ်သောက်ပြီးကိုကိုသေသွားရင်ညီမလေးအကြီးကြီးစိတ်မကောင်းဖြစ်နေရမှာသိလား။..”
"အကြီးကြီးစိတ်မကောင်းဖြစ်ရမှာစိုးလို့ကိုကို့ကိုအရင်ထားခဲ့တာလား ညီမလေးရာ။ ကိုကိုမှာညီမလေးတစ်ယောက်ပဲရှိတယ်ဆိုတာကိုမသိဘူးလား။"
ပြန်ကြားယောင်လာသောညီမလေးစကားကိုမင်းဒီပါဦးပြန်ပြောရင်းမျက်ရည်များကျလာသည်ကိုလက်ဖြင့်တစ်ချက်ပွတ်ကာဖယ်လိုက်ပြီးဖွင့်ထားသောကားတံခါးကိုပြန်ပိတ်ကာလမ်းဘေးရပ်ထားသောပြိုင်ကားအနီလေးကိုလမ်းပေါ်ပြန်တင်ပြီးအရှိန်ဖြင့်မောင်းနေသောထိုပြိုင်ကားအနီလေးတွင်ဦးတည်ရာတစ်ခုရှိနေပြီဖြစ်သည်။
