في حوش الحاج محمد
رويدة بنت جيرانهم و خطيبة طه جت للحوش مع عزوزتها نجوى : السلام عليكم
طه الدم رقي لرأسه و تنرفز و غمض عيونه بغضب شديد استغفر في سره و وقف غسل ايديه و مسحهم و طلع بسرعة من وسطهم
رويدة و امه مصدومين فيه
رويدة سبق و نبهها عن طريق اخته طيف انها ما تجيش لا لحوش جده و لا لحوشهم و طبعا هوا رافض يكلمها بالتيليفون لعند تبدأ زوجته شرعا و اليوم لما جت بناء ع طلب نجوى .. صح في الاول عارضت بس هي نفسها بتموت و تشوفه تحبه هلبة و كان حلم حياتها تتزوجه و مجرد ما خطبتها امه ما صدقتش .. توقعت ان يحبها حتى هوا بس لما رفض يكلمها و في المقابلة عبارة عن حطلها شروطه اللي كانوا قيود بالنسبة ليها انصدمت لكن قررت توافق و تغيره بعدين
رويدة بنت جيران عايلة الحاج محمد مواليد 1992 موقفة دراسة بعد الثانوية دلوعة اَهلها و اللي تبيه يجيبوهولها حلم حياتها تتزوج طه تحبه و عاجبها زي هلبة بنات في شارعهم و تقول للكل انها هي اللي طيحاته ، طبعا لبسها جريء شويا و تحط في ميك اب بس ع اساس انها غيرت كل شي فيها ع شانه
عندها اخ واحد اسمه احمد مواليد 1989 دكتور شاب انيق و جذاب اعزب عيبه ان يحب يأخذ اي شي يعجبه سواء بالرضا او الغصب و حيكون ليه دور في الرواية
نرجعوا للرواية
الحاجة سالمة تستغفر : استغفر الله العظيم
الولاد كلهم طلعوا وراء بعض متحشمين و وجعهم الموقف اللي انحط فيه طه
طلال قرب من امه: امتى بس تبطلي هالمواقف البايخة خليتينا كلنا نكرههوها مش بس هوا
نجوى عصبت و تجاهلاته
الحاج محمد : الحمدلله .. هيا حتى انا طالع يا جماعة الخير
وقفوا أولاده وراه و طلعوا
نجوى نخصت رويدة: سلمي عليهم
رويدة بتردد: كيف حالك جدي؟ كيف حالك عمي جمال ؟ كيف حالك عمي ناصر؟
جميلة بهمس : كيف حالك عمي مفتاح اللي مخلي بنتك تدور ؟ مازال بس 😂😂 ( تقصد بوها)
ياسمين :😂😂😂
طيف: 😂😂😂😂
طبعا ما رد عليها حد غير جمال: الحمدلله يا بنتي و طلع وراهم
وقفوا جميلة و ياسمين و معاهم طيف يقيموا في الصفر و المفارش
قعمزت رويدة: سامحوني فركستلكم غداكم شكلي
الحاجة سالمة: توا تمت تفركس و اللي صار صار
نجوى حاولت ترقع الموقف : هههههه عمتي تحب تبصر ديما
الحاجة سالمة بصوت عالي و هي تسبح : استغفر الله .. استغفر الله
جميلة : 😂😂😂
