البدايات قد تكون جميلة
و قد تكون غامضة
و قد تكون هادئة
و لكن ليس كل الهدوء يعني السكينة
فقد يكون الهدوء الذي يسبق العاصفة
بداية يومنا هادي و حلو زي الجو برا
و حاليا احني في شهر ابريل 2018
طبعا بداية يومي انا و طه بعد صلاة الفجر هوا مشي للمسجد وانا حبيت نحافظ ع عادتي مع حوش جدي نزلت و فيقت الكل و صليناه في جماعة
بعد الصلاة جدي و حناي رجعوا يرقدوا
و محمد و طلال اصر عليهم طه و خذاهم معاه للمسجد
اما عمي ناصر بعد صلى معانا خذي معاه مؤيد و ياسمين و ركبوا
وانا قررت نستنى طه تحت
ميرا ع يميني و طيف ع يساري
طيف باستني : خلاااص عاد اهو في جرة المشكلة اللي سببتها حصلتي اعتذار رومانسي قدام العيلة ما عمرك تحلمي بيه و من طه بالذات يا ريتني انا في مكانك
ميرا حضنتني : اي والله اهو طلال شادينها في جرته صحيح وجه و ما تتحشمش لكن ما يقدر يدير جو زي هذا
انا وجهي احمر من الضحك لأنهم بدو يدغدغوا فيا : ههههههه باهي خلاص فهمنا سامحتكم اصلا ما تهونوش عليا ولا نقدر نصبر ع زعلكم
طيف : خيتي سلمها مرة الغالي هادي
ميرا : سلفتي هادي
انا : باهي هيا معاي للمطبخ نبدوا في الفطور حرام امك يا ميرا تتعب هلبة اقل شي تلقى كل شي ع التسخين بس
طيف تتاوب: اااه كلا انا اعذروني بنرقد و انتو بروا ساعدوا
انا حركت راسي بيأس : ماشي ماشي ع اساس بترقدي عارفاتك حتى انا
ميرا شدت في ايدي : انا حنجي معاك ما عندي مع من نتكلم راجلي يصلي في الجامع خلي يروح يشوفني في المطبخ
انا مشيت مع ميرا و طيف طنشتنا و مشت لدارها حطت السماعات و تكمل في مكالمتها مع جلال
حطيت الشاهي ع النار
ميرا حطت دحي مطبوخ ع النار
و طيبت القهوة
ميرا ضربت راسها بخفة : حي ماما عاجنة سفنز راهي ع اساس بترميه
انا : وينه
ميرا اشرتلي ع الحافظة : اهوا
انا : توا نرميه انا غير اسمعي ابعثيلها رسالة وقوليلها ما تنزلش ع خاطره خليها ترتاح
ميرا بعثتلي بوسة: امووووواه حاضر
انا ابتسمت و بديت نقرص في العجينة
و شويا و حطيت الزيت ع النار
عند ياسمين فوق كانت كيف بتنوض اتدوش و تنزل وصلها مسج
