انا فتحت الخط : ايوا
جبران بخبث : هلا والله بهالصوت و بهالطلة
انا جسمي رعش و حسّيت روحي بنرجع من كثر ما قرفت منه شفت حواليا ما في حد اطمنت : شن تبي ؟
جبران : نبيك
انا بنبرة حادة و قاسية: احترم نفسك احسنلك
جبران ضحك: ههههه مش زي ما فهمتي يا حلوة لان للاسف معش ينفع بعد ما رقدت مع امك زي ما تعرفي انت محرمة عليا خلاااص
انا : انت تعرف الحرام اصلا ابعد عني احسنلك والا والله العظيم نحرمك خشوش بريطانيا و اول ما توصل لليبيا تلقى من يستقبلك في المطار بس للاسف مش بالورد
جبران ع اساس مش مهتم : خوفتيني تعرفي !! اسمعيني كويس طالما رجعتي لليبيا تنازلي ع الشقة والمطعم لليزا و سادك ما عندك في ليبيا و زي ما سمعت هلبة ماشاء الله و
انا قاطعته : تحلم تعرف شن معنى الحلم ان نسلمك تعب بابا و شقا عمره و مر الغربة اللي عاشها
جبران : معناها مضطر نزور الحاج محمد و نقوله ان مرة ولده عايشة معاي من سنين و ولده مضحوك عليه
انا تجاهلت خوفي : يا ريت انت لو تعرف عمامي وأولاد عمي قداش متغللين عليك و يدوروا كيف يوصلوا فيك ع شان يقتلوك توفر عليهم تعب السفر
جبران حس بالخوف : ههههه ع أساس تقدري تقوليلهم
انا بثقة: و علاش بنخاف ان شاء الله انا ما غلطت في شي و ماما انسانة غير مسلمة تتصرف حسب قناعاتها يعني الموضوع ما ياثرش عليا باي شكل فكر في روحك كيف حتطلع منها و ع فكرة المكالمة تسجلت و حنقدم فيك بلاغ في السفارة في تونس و شوف كيف تضرني في الجديد
جبران سكر الخط
انا كنت حاسة روحي بننفجر من ماما والموقف اللي حطتني فيه .. كنت عارفة ان بابا مش حاب حد يعرف لسبب واحد هوا انا و ممكن حتى مش حاب حد يتشمت فيه نقصد عمي جمال و مرته
: من كنتي تكلمي
انا لفيت و شفت طه واقف قدامي و عيونه نار
غمضت عيوني و حسّيت اني لازم نحكي لحد يساعدني : طه
طه .. استغفر الله جسمي تخدر بالكامل مجرد ما قالت اسمي
انا علّيت صوتي : طه!!
طه : احم نسمع فيك
انا : انا حابة نحكيلك بس وقفتنا بروحنا غلط ، شن رايك نحكيلك و تكون معانا عمتي جميلة
طه بعد تفكير لثواني : اي معاك حق خلاص بكرا كلمي عمتي وهي حتلقى المكان والوقت المناسب و تكلمني
انا براحة: تمام .. وتوا منستاذن منك تأخرت ع جدي و عمي ناصر يستنوا فيا
طه : احم حتى انا ماشي غادي
