القي الباب المفتوح و سمع أصوات عالية داخل استغرب و كمل طريقة لداره بس أنصدم لما سمع
رويدة تبكي : بالله يا عميمة كلميه المهم الفاتحة تنقرا و بعدين العرس لو يتأجل عادي يا ناس مليت وانا نستنى وهوا رافض يكلمني طالما مش ع ذمته حتى نتصل بيه ما يردش
نجوى تهدي فيها: خلاص يا رويدة هديلي روحك و ما يصير الا اللي تبيه بادن الله اصلا حتى انا ما نبيهاش الفاتحة تتأجل و كلمت حتى جمال امبكري
رويدة بضحكة وع اساس متحشمة : حاق فرحتيني اعميمة شكرًا
نجوى قرصتلها خدودها : سلمها كنتي المتحشمة
رويدة بدلع: اعميمة
طه مشى ايده ع شعره بقوة وتعوذ من الشيطان ومشي لداره و سكرها بالمفتاح ع شان امه ما تجيش وراه لو حست ان موجود
فتح الدولاب طلع سورية طويلة نظام اماراتية لونها عسلي حطها ع السرير ومعاها سروالها و ملابس داخلية و فتح باب الحمام اكرمكم الله و خش تحت الدوش و كل ما يغمض عيونه تجي صورتي في مخيلته يستغفر في سره
كمل الدوش و لَبْس ديشمبر الحمام و طلع ينشف في شعره وهو يذكر في الله و يفكر في رده ع امه لو فتحت الموضوع متاع الفاتحة تعطر و غير ملابسه و مشط شعره و نظمه و خذي خاتمه لبسه في بنصره اليمين والساعة القهوية الجلد في ايده اليمين و حط نظاراته العسلية .. خذي شيشة العطر الزيتية و تعطر جلس ع الكرسي و لَبْس شغشيره القهوي و خذي شاله البني لفه ع رقبته و فتح باب داره و طلع باتجاه المدخل فتحه و طلع منه كندرة كحلة لبسها و كيف بيطلع من باب الحوش
نجوى من وراه: طه ولدي انت جيت ؟ استنى شويا شوف مني عندنا
طه لا رد ولا التفت اكتفي بالوقوف بس
أما رويدة "حطي الفيسوخا يا حواء احني من قبل يا بال توا" يعني هي من يومها مجنونة بيه و توا لما شافاته خلاص شيرتها انذهبت مرة وحدة و نست المحظورات عنده لا إراديا: كيف حالك طه ؟!
طه غمض عيونه بغضب و ضغط ع ايديه بقوة و عض ع فمه بغيض يعني مش ساد جاية لحوش اهله و تعبي في راس امه ع موضوع الفاتحة لا طالعة بكل جرأة و بتهدرز كان رده حاسم: يا امي عندي كلمة و ياريت توصل لصاحبة الشأن الفاتحة تتأجل لين يطيب خاطر جدي و حناي و لو مش عاجبها صاحبة الشأن يبقى ننهوه الموضوع من توا افضل تقريبا فكروا و بلغوني هيا السلام عليكم
نجوى فاتحة عيونها ع وسعهم مصدومة
اما رويدة ندمت انها تكلمت و جت لحوشهم من اصله قعمزت ع اول كرسي و بدت تبكي بحرقة
ونجوى تحاول اطمنها و تهديها و هي بروحها خايفة لو كثر الضغط ع طه يخليه ينفجر و يفسخ الخطوبة من اصله
بالنسبة لطه طلع و قعمز جنب جلال صديقه متجاهل وجود احمد اللي يبي يتقرب منه ع شأني
عندنا داخل
