الدكتورة طلعت : الحمدلله ع سلامتها عندها هبوط بس و سوء تغذية يا ريت تهتموا بيها اكثر و ترتاح
طه بصوت مخنوق : باْذن الله شكرًا
الدكتور : العفًو
مشت من قدّامه
شده عمي جمال من ايده : طمني يا طه
طه مسح دموعه: الحمدلله هبوط و سوء تغذية خفتها تموت بين ايدياً
طلال : الحمدلله ع سلامتها
طه: الله يسلمك
عمي جمال بحدة :توا مش وقت لوم و عتاب يا طه بس اقسم بالله مازال...
طه باس راس بوه: خلاص يا بوي عقلي رجعلي و مستحيل نفرط فيها بنت عمي بعد المنظر اللي شفتها فيه اليوم كيف طايحة وسط الماعين خلاص ان شاء الله ماعاد حد يغسل انا معش نطلب منها تدير شي بالعكس حنحذرها تمس اي حاجة زي في حوشنا زي في حوشكم
عمي جمال : ايواه ديما خليك متحمل مسؤولية مراتك مش معنى تبر بأمك انك تجور ع زوجتك يا ولدي خليك متزن في تصرفاتك
طه : حاضر
عن اذنكم منشوفها
عمي جمال : خوذ راحتك و اعذرها يا ولدي لو عصبت المراة عندها حق
طه : ان شاء الله
مشي باتجاه الحجرة
طق ع الباب
مرة
و فتح و دخل
انا كنت فائقة و نشوف للدار ونستكشف فيها و راسي مازال دايخ
طه قعمز ع السرير وحط ايده ع راسي و يمسح عليه
انا غمضت عيوني بحزن و دمعتي نزلت : طه لو معش تبيني خلاص كل
طه سكتني ببوسة ليه إيام مجافيني و ما يقرب مني
و باعد عني و تكلم بصوت هادي : وقت نفسي يوقف و قلبي يوقف ممكن نتفارق انا وياك غير هكي مستحيل
نبيك تعذريني يا شقيقة القلب و لو تسمعي اللي عندي متاكد حتسامحيني
انا شفتله بعيون ذابلة من جفاه و بعده و قسوته : شن عذرك يا ولد عمي
طه خذي نفس عميق و بدّي يحكيلي في كل اللي صار معاه و شن كان يحس لعند وصل لليوم و كيف رجع
انا بديت نبكي و نردد في الحوقلة ع لساني : لا حول و لا قوة الا بالله العلي العظيم
لا حول ولا قوة الا بالله العلي العظيم
طه حضني : خلاص يا روحي عدت ع خير وفي الجديد لازم ننتبهوا يا دوجة اول حاجة تنكتي الحوش وانا حنكون معاك والقران ديما يكون مفتوح في الحوش
انا بلا وعي: وثاني شي معش تاكل برا يا طه بالله عليك خليك ديما في الحوش اطلع امتى ما تبي بس وقت الاكل ما تاكل من حد و لا تشرب من حد
