نجوى بعصبية: انت يا بنت الف#### اقسم بالله لو توافقي ع الخطوبة نسود معيشتك و نخليك تطفشي زي ما طفشت بوك زمان
انا نردد في كلام بابا بيني و بين نفسي ع شان ما نغلطش فيها : يا مرة عمي انا اصلا...
نجوى بجنون هجمت عليا و تدف فيا: مش مرة عمك انا مش مرة عمك و ولدي تبعدي عنه فاهمة يا كلبة يا زبالة يا رباية الشوارع و الكفار
جميلة سمعتها سيبت اللي في ايدها و جتني بسرعة خشت بيناتنا: تحشمي يا نجوى و روحي لحوشك شن الكلام اللي تقولي فيه
نجوى بصوت عالي: اي عاد انتي تبيها و اكيد مشجعتها و انت اللي معبية راْسه طه ع شان يأخذ فضالي غيره شابعين فيها الإنجليز و تبوا تمسحوا عارها في ولدي هالق#### الف####
طه كان كيف جاي للمطبخ بيسأل ع الشاهي جت الكلمة في ودنه
انا بديت نبكي: الله يسامحك الله يسامحك
نجوى تضحك: هههههه بتديريلي روحك شيخة ! ع مني يا ماما ؟! ولدي لو توصلي سابع سما ماهو قاري فيك فاتحة يا ش####
طه مصدوم تكلم بصوت حاد يخوف : امييييييي
انا شفتله بنظرة حسرة و حزن وانا فمي يرعش حركت راسي يمين يسار ع شان يفهم ان الموضوع فاشل و خشيت لداري نجري
نجوى تتنفس بسرعة و خافت ع شان طه سمعها
طه يمشي و يجي و هو بينفجر من الغضب
جميلة تبكي : علاش هكي بس؟ حرام عليك بنية قزونة ما وجعكش قلبك عليها يا ودي حتى لو ما تبيهاش جيتي باللين و قلتيهالها راني مش متقبلاتك و ابعدي ع ولدي بس مش هكي يا نجوى مش هكي و خشت وراي
طه و هو ضاغط ع سنونه: غير جيتي امي بس ! غير جيتي امي بس !! كيف مراة في عمرك تتلفظ بالفاظ زي هادي ؟! مهما كان عمري و مهما كنت ملتزم ! المفروض انت اللي تربيني و تمنعيني ع الغلط و الكلام اللي ما ينقالش عيب والله عيب نوقف عليك و نقولك كلام زي هذا يا امي ! الله يهديك و بس هذا ما نقول و بنت الناس توا مصر اكثر من قبل اني نتزوجها وحتى لو رفضتني حنطلبها ثاني و ثالث لعند توافق و مستحيل نفرط فيها لو مهما صار
و مشي عنها
نجوى شافت لشجرة الليم بدت زي المجنونة تقطع في اوراقها و تعيط بغيض
شافها طارق خذاها من ايدها بقوة لعند وصلها للحوش و دخلها دارها
و طلع عنها
مشي لدار اخته طق عليها
طيف من داخل : خش
طارق فتح الباب: شن تديري؟
طيف سكرت شيتاتها و وقفت: شوفت عينك نقرا ! تبي حاجة
طارق تنهد: ديري ليمون و لا زنجبيل لامك أعصابها نايضة عليها بسبب موضوع طه و كانت في حوش جدي تعيط و قالبة الدنيا توا بس جبتها لدارها
