بس فجاة سمعنا صوت حد ينادي
انا باعدت عنه و نبي نفك ايدي بس هوا ضغط عليها بقوة
طه بتطمين : خليك انت توا حلالي ما تخافي من حد طالما خالق الكون راضي ع وجودنا مع بعض
انا حاسة روحي طائرة فوق و متحشمة في نفس الوقت : بس مرات واحد من أعمامي نتحشم منهم طه
طه بحب : اااااه منك و من طه ع لسانك شن يدير فيا
سمعت صوت حد يمشي و يقرب و لا إراديا لبدت وراه
طه حس بشعور حلو هلبة اني التجأت ليه حط ايده و راء ظهري و ضغط عليا ع شان يحسسني بالامان
طلعت طيف تضحك: هههههه هادوا الشيوخ داروا هكي معناها طلال شن يدير
انا ارتحت لما عرفت انها طيف
طه فنص فيها : طيف بلا تسهويك شن تبي ؟
طيف ع اساس زعلت: عاد خلاص انا توا معش ننفع بعد حصلت دوجة بارك الله فيك يا خوي و يا سندي
طه عارفها تبصر بس مع هذا ما تهونش عليه سيبني و مشالها حضنها: ما حد يجي مكانك يا طيف
طيف شافتلي و ترقص في حواجبها و مدت لسانها ع اساس تغيض فيا
انا ضحكت و حركت راسي بأسف يمين و يسار و نشوفلهم كيف قريبين من بعض كان منظرهم حلو بالمرة
طه ضربها بخفة ع راسها: اي قولي شن جابك اهني؟
طيف تشوفلي: جيت ع شان مرتك يا حنى يبوها تجهز ررحها باش تشوفها حضرتك بس الباين انكم كملتوا لقاءكم بكري بدون ما تشاوروا حد
طه بتحذير : نهارك تقولي لحد توا زي الشاطرة تاخذيها معاك و تجهزيها (شافلي و ابتسم وانا حسّيت روحي سحت من نظرته و ابتسامته) و تخليها تجيني زي ما مخططين
طيف تفنص : الكذب حرام يا شيخ معقولة بتدير روحك ماشفتهاش
طه يبتسم و يشوفلي : هادي مش محسوبة لانها صدفة و حاسها كأنها حلم
انا نزلت راسي و منحرجة ع الاخر من جرأته
طيف ضحكت: لالا انت مش خوي طه وين درتيه يا دوجة خوي الرازن والعاقل و الملتزم وين مشي ؟
انا: 😳😳
طه قرصلها خدها : خلاااااص طيف خوذيها و يالله
طيف تحسست مكان القرصة : تحت امرك يا شيخ هيا يا دوجة
مشت طيف و انا وراها و لما وصلت فيه شد ع أيدي و بهمس : نحبك
انا وجهي احمر ابتسمت و جبدت ايدي منه و جريت وراها شويا والتفتت شفتله القيته حاط صوابعه ع عيونه و يبكي قلبي في هاللحظة زاد في عشقه ليه أضعاف حبيته اكثر مش اي راجل يبكي من الفرحة لما يجتمع بالإنسانة اللي يحبها تنهدت وحطيت ايدي ع قلبي اللي حاساته طائر بيا فوق
