الكلام اللي سمعه المفروض يخليه مجنون و ردة فعله قوية وسريعة بس هوا من كثر الصدمة اللي خذاها قبل يجي لشقته خلاته يفكر كيف ينتقم و بس
يعني نقولوا تصرف بذكاء و دهاء
انسحب من الشقة بهدوء و بدون ما ينتبهله حد و نزلً
نجوى بشك: كأني سمعت صوت؟
طلعت ليلى و مشت لباب الشقة و ما لقت شي مُلفت رجعت: تتخايلي عزيزتي من جو الأكشن اللي كنتي فيه
نجوى ضحكت: هههههههه ممكن
تحت العمارة
كان بينفجر من الغضب خذي تيليفونه و اتصل
طوط
طوط
طوط
عمي جمال انسحب من جنب جدي مختار و سالم و جدي و عمي ناصر وطلع برا: نعم شن في؟
صابر بنفاذ صبر: اقسم بالله لو توا توا ما تجيش انت و ولدك طه لشقتي مرتك الا ما ندفنها حية
عمي جمال عَصّب : تي شن تخرف انت مرتي شن جابك ليها يا ام####
صابر بعصبية واضحة: كلامي و سمعته و مرتك هونها فوق في شقتي يا فالح وانت ما تندري عليها حتى وين ماشية!!
عمي جمال مش مصدق : فكني منك و من كذبك يا صابر
صابر: اي انا صابر و لتوا صابر وداير قيمة لكونك ولد عمي يا ريت تجي توا و نعاود انت وطه والا اقسم بالله ندير العاااااار لاني حاليا شاد روحي بالسيف و قاعد تحت العمارة
عمي جمال حس ان صادق : وينها العمارة هادي؟
صابر : في ال### تجي ع يسار السوق متاع ال#### و ما تنساش طه
عمي جمال سكر عليه و حط ايده ع راْسه و مش فاهم رجع للمربوعة: انا أسف صارلي شغل ضروري نمشي عن اذنكم
جدي : ان شاء الله خير
عمي جمال: خدمة يا بوي عن اذنكم
الكل : عن اذنك
طلع عمي جمال و اتجه للحوش فتح الباب و شاف طه واقف جنب الروشن و موجه أنظاره للمربوعة قلبه وجعه عليه و تذكر حالته يوم فاتحة سلوى
عمي جمال: طه
طه لف ع بوه: نعم يا بوي
عمي جمال حط ايده ع كتفه: نبيك تمشي معاي لمكان ضروري توا
طه تنهد و رجع شاف للمربوعة:حتى انا نبي نطلع اصلا هيا
خذي توبه
و طلع للسيارة فتحها و ركب
و جمال ركب من الجهة الثانية
وقتها انا كنت طالعة للمقابلة الشرعية
طه لمحني غمض عيونه بضيق و ضغط ع سنونه بكل ما اوتي من قوة ع شان يمنع دموعه تنزل
