رويدة تعيط بأعلى صوت: نهاري الأحرف انا !! ماعنديش حظ انا ووووووه عليا الله يرزيني فيه وين ما يمشي هالشكل تواااا بس تفكروه مش مقاطعينه من سنين
مفيدة تبكي و تصبر فيها: تي ضمي فمك ياسر تو ياجلوا شهر و يتموا كل شي و اسكتي بلا عار و هيا كان بتغيري باش نمشوا و ردي بالك تديري العار هذا غادي والا بدال تأجيل الفاتحة يفسخ طه و يسيبك بكل
رويدة بعياط : تي شن تقولي يا ماما ؟! معاها تبيني نمشي و نعزي و انا نار راكبة فيا منموت
ع خشة خوها احمد من برا
هذه صورة احمد ❤️❤️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
احمد بصوت عالي: قاعدة ما ضمتش خربتها النم هادي !!! والله كأني في مكان طه ما ضال ذابح و مصدق اللي ربي فكني من وجهك و نلغي امها بكل الفاتحة مش ناجلها
مفيدة تفنص : احمد تحشم ع وجهك اللي فيه اختك سادها ما تزيدهاش
رويدة تبكي و تشوفله بحقد
احمد حرك راْسه بأسف : يا ودي شن اللي فيها سادها ؟!! صدق من قال واحد مشنوق و واحد باله في الحلوة توا بدال ما يوجعها خطيبها اللي متنكد ع عمه تفكر في الفاتحة اللي ما صارش منها
رويدة مسحت دموعها: ع اساس يعرفه عمه هو؟!
احمد قعمز في جنبها و ضربها بخفة ع راسها: ما هو يا دماغ ممكن ما يعرفش عمه و ما يعنيلاش بس انت ناسية جده و حناه اللي يموت فيهم طه واكيد هما الاثنين واجعهم ولدهم اللي مات في الغربة والله كان بتمشي و بتديري العار هذا غادي خليها اهني يا امي خير ما تفضح بينا و طه يلقاها سبلة و يفوتها
رويدة: عينك!!
احمد بقلة صبر: انا راني حاط روحي في مكانه والله العظيم لو انا مكانه و تنكد عليا خطيبتي فوق همي ع موعد العرس ماعاد تنكتب ع اسمي مراة نصحتك وانت دبري رأسك وقف انا منخش نغير يا امي و نلقاك واتية كان بتمشي للعزاء بدت تزحم عندهم و عيب احني جيران و نسابات نمشوا اخر الناس
