زيَّغه الشَّيطانُ (الجزء الأول/الثاني/الثالث/الرابع)

تلخيص هام جدااا

بما ان اغلبية الكلام في ناس مش فاهمة فده ملخص بسيط للفصلين اللي نزلوا 🤦‍♀️🤣

___

#ملخص
#زيغه_الشيطان
اول فصل عندنا بيبدأ في الصعيد بجواز واحدة من واحد مقولناش اي اسامي ليهم ودي مقصودة مننا..
لية هنعرفها قدام..
وبعد المشهد ده بيعدي كذا سنة وبنروح للقاهرة وبيكون عم نجم اللي عنده ١٥ سنة مراته بتولد بعد طول انتظار ومتابعة مع دكتور...
ونجم اللي بيسمي البنت.. غرام...

بعد كدة بيعدي كام سنة تاني...وده بقى الوقت الحاضر بتاعنا وبيبدا في مقر قناة والمفروض أن شهاب ده ابن فهمي اللي هو شريك في القناة ويبقى صاحب ابو بتول...ومستنين بتول بس هى مش بتيجي عشان حماتها بتتعب في الصعيد وبيضطروا يسافروا الصعيد..وده اللي بيضايق شهاب..لأن أساسا مش بيطيق امجد لله وللوطن ولأنه قبل جواز بتول كان بيحبها..

وبعدين بنروح للصعيد في المستشفى وبعد ما بيطمنوا على ام امجد بيجيله مكالمة تليفون من نجم اللي بيقوله أنه كان نفسه يرحب بيه بس مقدرش لأن بتول معاه....

وبعدين نروح لدوار نجم وبنعرف انه هو ده الولد اللي كان عنده ١٥ سنة وبقى عنده ٣٥ سنة وانه اتجوز من بنت اسمها حسناء وخلف منها بنت اسمها سندس وأن حسناء دي ماتت من سنين وان غرام بقى عندها ٢٠ سنة و رضوان جد نجم بيحاول أنه يلفت نظره لغرام اللي بتحبه....

وبعدين بنجيب أنه عدى اسبوع وبتول رجعت هى وأمجد ونجيب انها في القناة بتتخانق مع شهاب وبتقوله انه مينفعش يتكلم عن جوزها بالطريقة دي أي كان السبب وأنه لو قالها تسيب الشغل هتسيبه ومش هتتردد لحظة واحدة..

في نفس الوقت امجد في البيت والشغالة بتدخل تصحية وهنا بنكتشف من كلامهم أنه خانها في مرة وهى مسافرة مع الشغالة وأنه مش حابب يكرر خيانة ليها وأنه ندم على ده....

___________

الفصل التاني بقى ...

بيبدأ انه بتول وصلت عند صاحبتها رزان اللي في نفس الوقت تبقى صاحبة شهاب برضو وشغالة معاهم في القناة ومتجوزة وجوزها مسافر..ومن خلال المشهد بنعرف انه بتول كانت شخصية مستهترة قبل معرفتها ب امجد وأنه حبها ل امجد هو اللي خلاها بطلت كل اللي كانت بتعمله..وانها لما حبت ترجع لده صاحبتها منعتها...

في نفس الوقت بنروح لشهاب اللي خاطب ريما بنت صاحب ابوة واللي هو مبيحبهاش بس هى بدأت تحبه..وطبعا طول المشهد بتكلم وهو مش مركز...ولما تزعل وتعاتبه بيبدا أنه يركز معاها وهى ساعتها بتقوله انها موافقة يعيشوا مع فهمي...

وبعد ما بيتعشوا بيروحها..وبرضو بنكتشف من دلقتها عليه انها بتحبه..بتحاول تعزمة لكن هو بيرفض وبعد ما بتطلع شقتها امجد بيكلمه وبيعزمة على عيد جوازهم اللي هيبقى يوم الخميس....ف شهاب بيرجع يكلم ريما ويعرفها انها هتيجي معاه

بعدين بنروح لامجد وبتول وبنعرف انه عايزها تخلف منه..وبيتفقوا على ده...وانها هتبدا توقف الحبوب بعد السيزون بتاع البرنامج اللي هى شغالة فيه يخلص....

كمان عندنا ياسمين ودي تبقى بنت رضوان وعمة نجم بس صغيرة في السن وجبناها بتكلم خطيبها...

كمان غرام حاولت تجر كلام مع نجم بس هو كالعادة بيصدها..

وبعدين الفصل بيخلص معانا على أنه دراع امجد اليمين واللي اسمه سمير بيعرض عليه يجيب خطيبته تشتغل معاهم في المكتب وأمجد بيوافق..

وبس كدة ده كان ملخص الفصلين اللي نزلوا.

___________