زيَّغه الشَّيطانُ (الجزء الأول/الثاني/الثالث/الرابع)

الفصل الثالث عشر-الجزء الثالث

ياريت تتفاعلوا علي الفصول الأخيرة علشان التفاعل غير مُجدي تمامًا

________

الفصل الثالث عشر من #الجزء_الثالث.
#زيغه_الشيطان.
#النجم_والثعلب.

الفصل الثالث والخمسون.

بقلم #twinsfatma.
فاطمة محمد & فاطمة طه سلطان.

_____________

اليوم التالي...

دخل نجم وهو يمسك بيد والدته يساعدها على السير داخل تلك المزرعة لاعنًا الظروف التي تجبره على التعامل معها وسماع أسلوبها الفظ..

طرق على الباب وانتظر استجابتهم وبالفعل فتحت بتول الباب وسرعان ما ظهر الحنق عليها:
- ايه اللي جابكم هنا؟؟؟

- تصدقي أنك مره عايزة قطع لسانك ما تحترمي أن في واحدة قد أمك قدامك ثم انتِ قاعدة في ملكها مش جايين بيتك اياك..

قال نجم كلماته بانفعال فصرخت بتول به وهي تحذره بأصبعها:
- بقولك إيه يا راجل انتَ .. أنا سكتلك كتير وشكلك فاكر أني خايفة منكم ولا أنا ضعيفة لا فوق كده وأعرف مين قدامك أنا بتول الحناوي وياريت يكون في عينك حصوة ملح ايه البجاحة دي، ده كفاية بلاوي اخوك اللي عرفتها وما خفي كان اعظم..

قاطعها نجم بسخرية لاذعة ولهجة صعيدية:
- لا متجوليش أجده ده كان حتى جوزك واختيارك وأبو اللي في بطنك يا سيادة المذيعة عيبة في حجك..

كادت بتول أن تفقد أعصابها فذلك الرجل فظ بطريقة لا تتخيلها ولا تدري سبب هذا الكره نحوها؟!!!!

أنقذت صفية الموقف قائلة:
- حقك علي رأسي يا بنتي .. أنا محجوجالك .. تعالي اقعدي في البيت بدل قعدتك أهنا وبعدين هي فين رقية؟؟؟

- جوا بتندب على حظها أكيد..

هتفت بتول بحنق، فأردف نجم وهو يصوب حديثه لوالدته:
- هتقعدي أهنا معاهم ولا إيه يلا نعاود .. خليها بدماغها دي..

قاطعهم صوت والدتها الصارخ بها:
- بـــــتــــول…

ألتفت الجميع إلى تلك المرأة التي ترتدي جيدًا وكأنها في الثلاثينات من عمرها، وجسدها رشيق.. عرفتها صفية على الفور.. وكان يأتي معها أكرم الذي قابلها في الخارج وحاول تهدئتها..

اقتربت منهما فهتفت صفية:
- ست داليا.

هتفت داليا قائلة بسخرية وهزل:
- اه ست داليا .. اللي لعبتي في عقل بنتها والله أعلم قولتي ليها ايه علشان تترزع جنبك..