زيَّغه الشَّيطانُ (الجزء الأول/الثاني/الثالث/الرابع)

الفصل الثاني-الجزء الثالث

الفصل الثاني من #الجزء_الثالث #زيغه_الشيطان
#النجم_والثعلب
-الفصل الثاني والأربعون-

بقلم #twinsfatma
-فاطمة محمد&فاطمة طه سلطان-
__

التقطته بتول وهو يلج من المنزل مغلقًا إياه بهدوء…قطعت المسافة بينهم...لتقف امامه تمنعه من أن يستكمل سيره...مغمغمة بنبرة عادية:
-مفيش جديد؟؟

انزوى ما بين حاجبيه، ثم رد يتساءل:
-مفيش جديد في إيه؟!

تجعد وجهها انزعاجًا، معلقة:
-هيكون في إيه يعني يا بني آدم..اكيد في موضوع رقية..معرفتش راحت فين؟!

ثبت عيناه عليها مستنكرًا أسلوبها الفظ، مغمغم:
-مش هجاوبك..ومليش كلام معاكي يا بنت الناس..لما تعرفي تتكلمي عدل وزي الناس هبقى اجاوبك..

ارتفع حاجبها الأيسر، عاقدة ذراعيها أمام صدرها، ثم استطردت بمقط:
-لية وانا كلامي مش زي الناس ولا إيه..ما تخلي بالك وأعرف بتكلم مين

- بكلم الديوان يعني؟!!.

تحرك وهو ينوي الصعود لحجرته..أوقفه صوتها مرة ثانية هاتفه:
-طب وأكرم معرفتش هو فين؟!

لم يجيبها تجاهلها وعاد يستكمل طريقه...كزت على أسنانها ورمقته بكره، مغمغمة بخفوت:
-قليل الذوق…
____________

كعادته دلف الي غرفة أبنته ليتأكد من نومها ثم توجه إلي غرفته هو وغرام، فتح الباب وجد الغرفة مظلمة كان علي وشك أن يضغط علي الزر لفتحها ولكن شعر بذلك الثقل الذي قفز علي ظهره بضحكاتها الانثوية الرنانة ليهتف:
- يخربيت عقلك يا غرام

كانت تحاوط عنقة وتتشبس به من الخلف ولكنها هبطت لتفتح الاضاءة...وحينما اضاءت الحجرة وجدها ترتدي منامة من الحرير باللون الزهري، تبرز مفاتنها مصففة شعرها بعناية شديدة وتضع عطرها المميز..

حاوطت عنقه بدلال واضعة قبلة سريعة علي شفتيه:
- وحشتني يا نجم .. بقيت تتأخر عليا كتير 

نظر لها بأرهاق وحاول أن يُبادلها الابتسامة، فهتف بنبرة شبة مرحة:
- وانتِ اكتر..هعمل ايه بقا عارفة جدي الايام دي بينتقم مني بالشغل علشان مقعدش في البيت وامي هنا

عبثت بسترته فلم يكن يرتدي عباءة اليوم، فأخذت تعبث به وتمرر أصابعها الناعمة علي عنقه قائلة بدلال مفرط:
- انا مبقتش عارفة أقعد من غيرك البيت بيبقي وحش..وحش اوي