RUWAN SAMA........

           🍇💦RUWAN SAMA....💦🍇
      *Baya chanza d'and'anon teku*

          *Fatima Muhammad Gurin*
       **Gureenjo6763 on Wattpad**

     'Yar Mutan Adamawa

*This first dedication goes to Gurinjo Novels Group Ina jin daad'in comments d'inku sossai su ke karan karfin gwiwan yin wani page, love you guys lodi lodi🥰*

     *P6*

Part d'in mamah ta fara nufa tana sa kai da sallama suka had'a ido da ya fadeelah a tare suka kawar da kai, mamah da ya ameena ne suka amsa mata sallaman mamah tace "kin samu karasowa?" Tace "eh mamah Ina kwana?" Tace "Lafiya kalau ya gd?" Tace "Alhamdulillah, ya meena, ya fadeelah Barkanmu da safiya" suka had'a baki wurin cewa "Yauwa" kallonsu Mama tayi ta kawar da kai, tana nan tana kan adu'a Allah ya nuna mata randa yaran nata zasu koma da rayuwarsu kaman da, ita kanta ta San Ismail ya tarwatsa mata gida In har abinda Aisha ta fad'a gaskiyane.
          Ya meena tace "Shaati ashe kuma aure Saif ze kara?" Bummm haka taji gabanta ya fad'i ta san mama ce ta gayamusu Don su tayata jaje haka kuma ta kwana da sanin maganan nan tunda ya shiga kunnen ya fadeela to kowa ma se yaji a gidan nan hakan kuma ze zama kaman abun gori ko habaici a gareta.
     Cikin sanyin murya tace "Eh ya meena" ya fadeela tayi charab tace "kema meena da magana kike wai se kin tambaya? Wani namijin ne ze auri mace ba'a buduruwa ba Sannan kiyi tunanin daga baya baze karo zankaded'iyar buduruwa gal a leda ba".
   Murmushi me ciwo shaati tayi tace "Allah sarki naga waenda aka baresu a ledan ma basu tsira ba, harma gwarani tunda seda na shekara 8 kan aka karo ba watanni ba".
    Ya fadeela a harzuke tace "ke Aisha ni sa'arkice?" Shaati zatayi magana mamah tace "ya isheku hakanan bana son shashanci ke fadeela ki kiyayeni da baki fara magana ba zata amsaki ne? Ke kenan bazaki ta'ba kama girmanki ba a matsayinki na babba da ita toh kuci gaba shashashu kawai na waje su mata ku ma en uwanta ku mata"
      A zuciye ta mike da d'iyarta mimi a hannunta ta shige d'akin mamahn, tsaki Shaati taja tana mitan "mutum baze yi abinda ya shafeshi ba se abinda be shafeshi ba, daad'in abin kun sanni sarai ba'a min ban mayar ba Aisha nake" Mamah tace "bance maganan ya isa ba? Ku...." "Assalamu alaikum" ya majeed ya shigo da sallama amsashi sukayi gabad'aya yace "Lafiya kuwa mamah? Naji kina ta fad'a".
Tace "ni da yaran nan ne" hararin shaati yayi yace "ke wato In baki kashe mana su ba hankalinki baze ta'ba kwanciya ba ko? Se yaushe kike so su huta da damuwanki? Da aurenki da yaranki amma se an tasa ki a gaba an ta miki fad'a kan zaki san abinda yake me kyau?" Cikin sanyin murya tace "ya majeed....." ya daka mata tsawa "shut up!!" Mama tayi saurin cewa "Abdulmajeed ba itace ba ni da fadeela ne, kaga kyaleta ya yaran?".
        Yace "sun tafi school se an tashi zasu zo" Mamah tace "uwar tasu fah?" Yace "sharifah ta kaiwa mujeebatu wani sako daga chan zatayo nan ta gaidaki" Aisha da kanta ke kasa zuciyarta na kunan yadda duk en uwanta ke hantararta ta d'aga kai tace "Ina kwana" be amsa ba se na Meena da ta jefo bayan na shaati ya amsa ya samu wuri ya zauna.
     Nan suka fara hira su uku ita dae Aisha tana nan zaune shiru Don In ta sa baki ta san se ya jefeta da bakar magana koshi ko meena, jingina tayi da cushion tare da lumshe idanu nan take ta fad'a duniyar tunanin abinda ke damunta na karin auren Saif Allah ya sani tana cikin damuwa sossai da sossai sede tana iya kokarinta wurin ganin ta kawar da damuwan da ambaton ubangiji.
     In har zata tuna auren Saif se gabanta ya fad'i a take sau uku ko fin haka, wani irin fargaba da tsoro ke shiganta, ji tayi an ta'ba mata hannu a hankali ta 'bud'e idanunta da suka rine sbd rashin bacci da kuma tsabar tunani ta d'aura kanshi inda yake cewa "bacci kike a haka?" Murmushi ta saki tana gyara zamanta tace "a'a ya mujeeb yaushe ka shigo?" Mamah tace "Ina zaki san ya shigo kina chan kin fad'a duniyar tunani Ina guje miki fah Aisha!!!".
Ya mujeeb wadda shine babban yayansu yace "tunanin me kuma ze dameta haka mama?" Mama Tace "aure mijinta ze kara" wani irin dariya hameed dake shigowa ya saki cikin nishad'i shi fah duk abinda ze bakantawa wannan yarinyar rai sonshi yake har kahon zuciyarshi ganin hararan da mama ta sakar mishi yasa shi sa hannu yayi zipping bakinshi alamun yayi Shiru.
       Ya majeed yace "Angon karni baban boy dariyar nan fah?" Ya karasa kusa dashi ya zauna yace "wallahi wani abu ne ya bani nishad'i" ya karasa yana nuna mujeeb da ya kama hannun shaati sukayi compound da baki, girgiza kai kawai majeed yayi meena kam murmushi ta saki tana kwalawa fadeela kira.