RUWAN SAMA........

🍇💦RUWAN SAMA....💦🍇
*Baya Chanza d'and'anon teku*

*Fatima Muhammad Gurin*
**Gureenjo6763 on Wattpad**

'Yar Mutan Adamawa

*P25*

Idanunshi a runtse haka ya cigaba da rera ayoyin ruqya daga cikin qur'ani duk da yadda ya runtse idanunshi kunnuwanshi suna jiye mishi tsananin wahala da gurnanin da take ciki a hankali ajanin ya gudu nan kuma labourn ya taso gadan gadan be dena ba se da yaji jidda ta furta "Alhamdulillah" juyawa kawai yayi ya fita zuciyarshi cike da tausayin mata waenda a ko yaushe sune jigon rayuwan 'ya'ya.

Be ta'ba experiencing yadda ake labour ba se yau, son hajja seda ya ninku a zuciyarshi yayinda tausayin mata ya kara samun gurbi a zuciyarshi, yana fita hajja ta tareshi tace "ta haihu?" Kai ya gyad'a suka amsa da "Alhamdulillah" chan se ga jidda ta fito tana kallon su hajja cikin murmushi tace "baby boy muka samu sede be da lafiya be yi kukan kirki ba" yaya tace "Allah sarki Allah ya bashi lafiya uwar fah?" Tace "ana gyarata Lafiya kalau take" duk ajiyar zuciya suka sauke suna zama.

Bayan an gama kimtsa ta aka turata d'akin hutu yayinda yaron aka kaishi children unit, su yaya suka shige d'akin yayinda Shareef ya wuce wurin baba don yi mishi bayani ya kamata zuwa yanzu a san abinyi, hajja na shiga ta had'a mata wani kunu da ni karan kaina ban san na menene ba turirin zafi kawai ke fita daga cikinshi kar'ba tayi Don wani bala'e'en yunwa da take ji seda ta shanye katon cup d'in gabad'aya kan ta kwanta se bacci.

Ta jima cikin baccin gajiya kan ta farka hajja kawai ta gani d'akin murmushi ta mata yayinda hajja ta mayar mata, tace "sannu Aishatu tashi muje kiyi wanka kan ki gama shiri na san yaya zata karaso da abincin ki se kici ki koshi kan a kawo baby ya sha" Mikewa tayi zaune hajja ta taimaka mata suka shige toilet, da kanta ta had'a mata ta tsaya tana kallonta ganin shaati ta sa hannu a ruwan tayi saurin cirewa tana yarfawa yasa hajja sakin dariya a zuciyarta tace "Lallai ma yarinyar nan".

Me makon ta fita se ta d'auko towel madaidaici ta jefa ruwan katon baff dake toilet d'in ta nuna mata alamun ta shiga zazzare ido take tana shirin shagwa'be fuska Don ta san haihuwan Arwa da baaba larai ta mata bataji da daad'i ba shiyasa sauran haihuwan nata take nacewa zatayi da kanta In ta shiga kuwa se ta kara surke ruwan, da lallama hajja ta sa ta shiga baff d'in ta fara mata anan ta san na baaba larai rahama ne da na hajja.

Da zizzilewa da komai akayi wankan aka fito sede taji daad'in jikin nata sossai, sun kuwa samu yaya ta karaso abincin ta zuba mata tuwo ne na dawa da miyan kuka yaji daddawa se turiri yake a wani plate d'in kuma kakkauran pepper soup na kan sa ne wadda yaji kayan had'i yayi kauri kitip duk wadda ya san kanuri ya san yadda suke p soup d'insu, seda ta shimfid'a mata darduma me taushi kan taburman dake d'akin kan ta jefa pillow kan nan shaati ta zauna ba tare da ta saka kaya ba, bud'e cikinta tayi ta ci abincin sossai jefi jefi take sauraran hirarrakin hajja da yaya, seda tayi nak duk zufa na karyo mata kan ta mike hajja ta bata kaya riga da zani na atampha ta saka tare da d'aura d'ankwali ta hau kan gadon ta zauna tana kallon yaya dake hura coal cikin kasko Lallai wannan jego nata na gata zatayi wadda bata ta'ba irinshi ba ko daga wanka da abincin da taci ta gane banbanci kwarai da gaske da nasu Don yanzu jinta take garau kaman ba ita ta haihu ba.

Hajja ta kira wata cleaner ta gyare d'akin tsab yayinda yaya ta saka turaren wuta me sanyin kamshi, nan da nan d'akin ya d'au kamshi wani sabon bacci ne ke shirin fisgan ta daga zaune se taji an turo kofan, kallon kofan tayi jidda ce rike da babyn cikin showel murmushi suka sakar wa juna, ta karaso ta d'aura mata babyn kan kafa yayinda ta rikeshi da kyau tana kallon fuskanshi gabanta ne yayi wani mugun fad'uwa ta san fuskan nan sak sede ta rasa na waye duka gabanta ya ci gaba dayi yayinda ta fara ambaton Allah a zuciyarta.

Seda jidda ta ta'bata kan ta dawo hayyacinta tana kallonta cikin murmushi jidda tace "so you are carried away kinga handsome baby wadda yafi mamanshi kyau" murmushi ta saki hajja tace "jidda yaron ne yafi mamanshi kyau?" Tace "wallahi kuwa kinga kyaun yaron be d'auko komai nata ba, bari ya sha in baku ku gani dukda an hana" murmushi sukayi Aisha ta ciro Mama ta fara bashi ganin yadda yake jejjefa hannu alamun yunwa yakeji.