RUWAN SAMA........

       🍇💦RUWAN SAMA......💦🍇
    *Baya Chanza d'and'anon teku*

    *Fatima Muhammad Gurin*
  **Gureenjo6763 on Wattpad**

         'Yar Mutan Adamawa

     *P17*

Yana isa Abuja be zarce ko Ina ba se gidanshi cikin tsinkewar zuciya ya kutsa kanshi cikin kintsatsen parlorn nashi da ba wani kamshi me daad'i dake tashi dukda a tsabtace yake sbd masu aiki da suka sanshi da tsabta be son kazanta, straight d'akinta ya zarce, ita kuwa jin motsin parking d'inshi yasa ta fad'a gado tare da fashewa da kukan karya.

Da hanzari ya karasa yana d'agota yace "subhanallah honey me akayi miki?" Cikin kuka tace "ba kaine ba wato yanzu zaka iya abu ba tare da ka nemi izini na ba? Wato kullum cin amanata kake kana zuwa wurin karuwar matarka ban sani ba?" Yace "wallahi wallahi ban ta'ba zuwa ba se yau, yau d'inma sbd yakumbo ba lafiya ne naje".

Tsaki tayi a zuciyarta tace munafurci dae, a fili kuwa tace "shine ka karasa wurin wanchan matar taka ko?" Yace "ni ban je ba" ganin yayi Shiru tace "wallahi karya kake, kaima ka zama munafuki Toh wallahi Ina daidai da zamaninku dukkanku" har kasan ranshi be ji daad'in zagin da ta mishi ba sede ya ya iya? Sulhu yake nema dukda ya kwana da sanin cewa haka zata kwana tana wannan bala'in.

"Shikenan banje ba amma mun had'u sede na kula kinyi gaskiya cikin jikinta ba wani babba bane alamu dae be fi five months ba" gira ta d'age cikin murmushi tace "ahab ba na gayama ba kila kaman yadda Arwa take ba erka ba, er kan titi kila haka sauran yaranka" kaman an buga mishi guduma a kai haka yaji maganan sede ya yake baki yace "ze iya yiwuwa ko?" A masifance Tace "Toh dama a buduruwa ka aureta? Ba da tsarabar titi ka sameta ba?" Yace "haka ne zan tsaurara bincike a kanta muddin na kamata da cin amana ta se ta yabawa aya zakinta" washe baki zubaida tayi tace "ko kaifa yanzu kake magana kaman namiji, yanzu je kayi wanka akwai abinci dining".

Mikewa yayi ya fice cike da tunanuka kala kala, sam kwakwalwanshi yaki ya amshi wannan maganan sede ya lura duk ta yadda zubaida take dagewa ta chusa Mashi In ya natsu ya lura se yaga kaman da gaskiyan zubaida a takaice dae zargi ya shiga tsakaninshi da Shaati.

**********

BAYAN KWANA BIYU

Yau ake sa ran sallaman yakumbo daga asibiti sbd Alhamdulillah jiki yayi sauki Sannan Saif ya d'an kokarta a kullum ze kira sau uku shi d'inma biyu se ya 'buya kira d'aya kawai zubaida ta yarda yayi shima a gabanta daga yakumbo ko innani In tana asibitin bata yarda su gaisa, bare kuma ayi maganan shaati da ita ke wahala da mahaifiyar tashi.

Kud'in da ya ajiye musu yakumbo ta raba uku ta bawa innani kashi d'aya sauran biyun ta raba d'aya ta kara a kan d'aya kan ta d'auki rabi ta baiwa shaati d'aya da rabi seda ta nuna 'bacin ranta kan shaati ta kar'ba tayi godiya, aiko da yammacin ranan aka sallameta a mota shaati ta d'aukesu zuwa gida da kanta ta kakka'bewa yakumbo gidan dukda hanata da takeyi shaara ne kawai ta bari yakumbo tayi sbd bazata iya ba.

Se da suka d'an jima nan suna er hira da yakumbon har suke tattauna matsalar hajar anan yakumbo ta kara bata hakuri akan maganganun da ya tala ta jejjefeta dashi zuwanta asibiti wurin yakumbo ko a lokacin nunawa tayi ba komai bare yanzu da ya wuce, "ba komai yakumbo Ina fatan Allah ya toni asirin wadda ya aikata mata haka ko da za'a dace, hajar abin tausayice bana fata tayi rayuwa makamanciyar wadda nayi, ina mata adu'ar Allah ya kawar mata da duk wani fitinan rayuwa da ze biyo bayan hakan".

Ta karashe hawaye na cika mata idanu tuna irin rayuwar da tayi, mikewa tayi tace "yakumbo bari na tafi zan biya na d'auki yaran nan bani so dare ya mana waje" yakumbo tace "Toh Allah ya tsare ya kiyaye, ba daad'i kam yin magrib a waje, Sannan Ina rokon alfarma watarana ki bani labarin rayuwarki da ban natsu naji ba na d'aura miki karan tsana".