Love is hyung

30

ဒီနေ့တော့ jungkookတို့အိမ်ကနေ ညစာတောင်မစားတော့ဘဲ စောစောပြန်လာခဲ့သည်။ မာမီတို့ပြောပြမည့်နေ့ကို မစောင့်နိုင်တော့ဘူး။ ဒီနေ့ညမှ မပြောရင်တော့ ဖွင့်ပဲမေးလိုက်တော့မည်။အတွေးတွေနဲ့ ပြန်လာတော့ မာမီတို့က ဧည့်ခန်းမှာ အဆင်သင့် ထိုင်စောင့်နေသည်။
" Jimin သား လာထိုင်ဦး မာမီတို့ ပြောစရာရှိတယ် "
ပြောတော့မယ်ပေါ့။ မသိချင်ယောင်ဆောင်လိုက်ရင်း
" ဘာလဲ မာမီ "
မနက်က တွေ့ထားပြီးသား ဝင်ခွင့်လျှောက်လွှာဖိုင်ကို ထုတ်ပေးလာသည်။
" သားတက်ချင်တယ်ဆ်ိုတဲ့ dance classလျှောက်လွှာ ။ ဒီလိုလျှောက်လွှာရဖို့တောင်
ခက်တယ်ဆိုတာ သိတယ်မလား။ မာမီကြိုးစားပေးထားတာနော် "
သိတာပေါ့။ လျှောက်လွှာအတွက် တစ်နှစ်ကြိုယူရင်တောင် ရဖို့ခက်ခဲတာ။
             " သားတက်ချင်လား "
             "တက်ချင်တာပေါ့ မာမီကလည်း ဟီး
သားကြိုးစားပါ့မယ် သားအကတော်တာသိတယ်မလား"
                  " မာမီတို့ သားကို အစက ကဖို့သဘောမတူတာ သိတယ်နော်။ သားက အရမ်းဝါသနာပါနေတာမို့သာ ခက်ခက်ခဲခဲ ဆုံးဖြတ်ထားရတာ။ အဲ့ဒါကြောင့် ဒီအခွင့်အရေးကို လိုချင်ရင် မာမီ့ဆန္ဒတစ်ခုကို လိုက်လျောပေးရမယ် "

ဟုတ်ပါသည်။ မာမီတို့က အရင်ကတည်းက ကသည်ကို သဘောမကျခဲ့ကြ။ ဒယ်ဒီက အဲ့လောက်မပြောပေမဲ့ မာမီကတော့ အဆင့်အတန်းမြင့်မြင့် ဂုဏ်ကြီးသည့် မျိုးရိုးက ဆင်းသက်လာတဲ့သူပီပီ သူ့ကိုလည်း ဘွဲ့ထူးဂုဏ်ထူးတွေသာ ရစေချင်ခဲ့သည်။ မာမီလိုချင်သည်က jungkookလို ပညာမှာထူးချွန်ပြီး အေးအေးဆေးဆေးနေတတ်တဲ့သားမျိုး။ သူနှင့်က တခြားစီရယ်။

" မာမီ့ ဆန္ဒက ? "
ဓာတ်ပုံတစ်ပုံချပေးလာတာကြောင့် ယူကြည့်မိတော့ ဓာတ်ပုံထဲမှာတင် အဆင့်အတန်းမြင့်မြင့်ကမှန်း သိသာစွာ လှပသည့် ကောင်မလေးတစ်ယောက်။
" မာမီ့မိတ်ဆွေရဲ့ သမီး ဆရာဝန်လောင်းလေး။ပညာလည်းထူးချွန်သလို နေတာထိုင်တာကလည်း သိမ်သိမ်မွေ့မွေ့လေး။ သား dance classကို
သွားမတက်ခင် ကျောင်းပြီးတာနဲ့ စေ့စပ်ပေးဖို့ ရည်မှန်းထားတယ် "
မာမီ့စကားတွေက ခေါင်းပေါ်တည့်တည့် မိုးကြိုးပစ်ချလိုက်သလိုပင်။ မာမီဘာတွေ စီစဉ်နေတာလဲ။ သူ့မှာ kookieရှိနေတာကို။
                   " မာမီ သားက "
                    " သားမှာ ချစ်သူရှိနေလို့လား "
မေးလာတော့လည်း ဘာပြန်ပြောရမှန်းမသိ။ Jungkookနှင့်အကြောင်း ခုချိန်ပြောလိုက်လို့ မရနိုင်ပါ။
သူဘာမှမပြောဘဲ ငြိမ်နေတာကို မာမီက တစ်မျိုးထင်သွားပြီး
                " မရှိသေးရင် လျှောက်မစဉ်းစားဘဲ မာမီပြောတာပဲ လက်ခံလိုက်ပါ။ မာမီက ဒီလိုသမီးမျိုးလေး
လိုချင်နေတာ ။ သားဆန္ဒကိုလည်း လိုက်လျောပေးထားတာမို့ မာမီ့ဆန္ဒကိုလည်း လိုက်လျောပေးပါ "
မာမီသည် ပညာတတ်အမျိုးသမီးပီသစွာ ပြောလာသည်မှာ ချည်ပြီးတုတ်ပြီး။ သူသာအရင်လိုဆိုရင်တော့ ငြင်းစရာအကြောင်းမရှိပေမဲ့ ခုကျ သူ့မှာ kookieရှိနေသည်မလား။
ထိုနေ့ညက သူ ကောင်ငယ်လေးဖုန်းကို မကိုင်ဖြစ်ခဲ့ပါ။