Love is hyung

11

အဆက်မပြတ်မြည်နေသော alarmကို လက်ဖြင့်စမ်းကာပိတ်ရင်း ပြန်အိပ်ရန် ကြံစည်မိသော်လည်း ထပ်မြည်လာပြန်သော alarmကြောင့် ကြည့်မိတော့ ကိုယ့်ဖုန်းကမဟုတ်။ အာ kim taehyungကတော့။ ပြန်နှပ်၍မရတော့သည်မို့ ထလိုက်ရင်း ဟိုဘက်ကုတင်က ဒီလောက်alarmနှစ်ခါမြည်တာတောင် မထသေးသည့်သူအား ခေါင်းအုံးဖြင့် လှမ်းပေါက်မိတော့သည်။
" ရား Kim Taehyung! ထတော့ဟ မင်းphoneက alarmလည်း ပိတ်လိုက်ဦး"
ပြောရင်း ရေချိုးခန်းထဲ အရင်ဝင်လာခဲ့လိုက်သည်။ ကိုယ်က အိပ်ရာထနောက်ကျတတ်သူမို့ သူ့အားက်ိုးရမလားမှတ်တယ် သူကကိုယ့်ထက်ပိုဆိုးနေတယ်။အရင်က ကျောင်းမီတာလည်း သူ့မာမီကျေးဇူးကြောင့်တဲ့လေ။ သက်ပြင်းသာချလိုက်ရင်း ရေချိုးရန် ပြင်ရတော့သည်။

ခုဆို jiminတို့ uniတက်လာသည်မှာ second semester၏ ပထမလပင် ကုန်တော့မည်ဖြစ်သည်။ ကျောင်းနှင့်နီးသော နေရာတွင်သာ နှစ်ယောက်အတူ အခန်းတစ်ခန်းငှားကာ နေသည်မို့ သွားလာရသည်ကတော့ အခက်အခဲမရှိ။ ခက်ခဲနေသည်ကတော့ မနက်အိပ်ရာထခြင်းပင်။ နှစ်ယောက်သား အိပ်ရာထနောက်ကျသဖြင့် မနက်ပိုင်းအတန်းချိန် လွတ်ရပေါင်းလည်း မနည်းတော့။ဒီလိုဆိုတော့လည်း အထက်တန်းတုန်းက နေ့တိုင်းဖုန်းဆက်နိုးပေးသည့် ကောင်ငယ်လေးကို သတိရမိပြန်သည်။First semအပြီး အိမ်ပြန်မည်ဟုစီစဉ်ထားသော်လည်း လိုအပ်သည့်သင်တန်းများကို ဆက်တက်နေမိသဖြင့် မပြန်ဖြစ်တော့။မာမီတို့ကတော့ မကြာမကြာလာတွေ့သော်လည်း ထိုကလေးနှင့်မတွေ့ရသည်မှာတော့ ကြာပြီဖြစ်သည်။ ရောက်ခါစကတော့ တစ်ပတ်တစ်ခါလောက် ဖုန်းပြောဖြစ်သော်လည်း နောက်ပိုင်း ကိုယ့်ကျောင်းသူ့ကျောင်းနှင့်မို့ သိပ်မပြောဖြစ်။ထိုကလေးက စာလုပ်တဲ့သူဖြစ်တာကြောင့် ကိုယ်ကလည်း ဆက်ဖို့အရေး ချင့်ချိန်ရသေးသည်။

နှစ်ယောက်သားပြင်ဆင်ပြီးတာနဲ့ ကျောင်းကကန်တင်းသို့မနက်စာစားရန် ထွက်လာခဲ့သည်။စားနေတုန်း ခေါ်သံကြားသဖြင့် လှည့်ကြည့်မိတော့ hobi hyung။ Taehyungကိုကြည့်မိတော့ မျက်နှာက ဆူပုတ်လျက်။ Hobi hyungဆိုသည်မှာ မေဂျာတူစီနီယာတစ်ယောက်ဖြစ်သလို jimin တို့ဝင်ထားသော music club၏ အကခေါင်းဆောင်လည်းဖြစ်သည်။ သဘောကောင်းသူမို့ ကျောင်းစတက်ကတည်းက ပထမဆုံးရင်းနှီးမိသော စီနီယာလည်းဖြစ်သည်။ Taehyungနှင့်လည်း အစကတော့ရင်းနှီးပေမဲ့ first semesterမကုန်ခင်ပင် hobi hyung၏ သဘောကျကြောင်း ဖွင့်ပြောခံခဲ့ရမှုကြောင့် ခုလိုဖြစ်နေခြင်း။ သဘောမကျတာလည်း မဟုတ်ဘဲနှင့်။
" Morning jiminie"
"Morning hobi hyung"
"Morning taehyungie"
နှုတ်ဆက်နေသည်ကို မသိချင်ယောင်ဆောင်ကာ နံနက်စာဆက်စားနေသော၊ hobi hyungကတော့ အဲ့ဒါကိုပင် သဘောတကျနှင့် ကြည့်လို့။သူတို့ဟာနဲ့သူတို့တော့ အဆင်ပြေနေတာပဲ။ စားပြီးတော့မှ
"jiminတို့ ဒီနေ့အတန်းပြီးရင် practiceလုပ်ရအောင် clubကို တစ်ချက်လာခဲ့ဦး soohyungကိုပါခေါ်လာခဲ့နော် သူ့လည်းမပြောရသေးလို့"