Love is hyung

19

နာရီကိုကြည့်မိတော့ ၉နာရီထိုးခါနီးနေပြီဖြစ်သော်လည်း hyungသည် ခုထိပြန်မရောက်လာသေး။အရင်ကလည်း လေ့ကျင့်နေမိရင် တော်တော်နောက်ကျမှပြန်လာ
တတ်သော်လည်း ဒီတစ်ခေါက်ကတော့ စောစောပြန်လာခဲ့မည်ဟု ပြောသွားခဲ့သည်မလား။ဖုန်းဆက်ကြည့်ရမလားဆိုပြီး ဖုန်းကို ကိုင်လိုက်ချလိုက်လုပ်ရပေါင်းလည်း မနည်းတော့။ ကိုယ့်ကြောင့် သူ့ဘက်မှာ အနှောင့်အယှက်
ဖြစ်သွားမှာလည်း စိုးရသေးသည်။Taetae hyungကလည်း ဒီည hobi hyungဆီမှာ
အိပ်မည်ပြောထားသည်မို့ အခန်းထဲမှာ သူတစ်ယောက်တည်း။ စားပွဲပေါ်က hyungအကြိုက် စားစရာများကတော့ အေးစက်နေခဲ့ပြီ။တစ်ယောက်တည်းစားချင်စိတ်လည်းမရှိသည်မို့ hyungကိုစောင့်ရင်း hyungအတွက် ရည်ရွယ်ရာလေးကိုသာ အာရုံစိုက်ကာလုပ်နေမိသည်။ အနီရောင်လေးက hyungမျက်နှာလှလှလေးနဲ့ဆို အရမ်းလိုက်မှာ။

           ***********************************

တိုက်ခန်းလှေကားကို ပင်ပန်းစွာတက်လာရင်းမှ jiminဆံပင်တွေကို ထိုးဖွနေမိသည်။ ပင်ပန်းလိုက်တဲ့ နေ့တစ်နေ့ပါပဲ။ Final yearဖြစ်နေပြီဖြစ်တဲ့ hobi hyungက သင်ခန်းစာတွေနှင့် မအားလပ်တော့တာမို့ dance clubရဲ့ တာဝန်အဝဝက သူ့ခေါင်းပေါ်ရောက်လာခဲ့သည်။ Third yearသည်လည်း စာမများ၍မဟုတ်၊ ကိုယ်တိုင်ကိုက အကကို ဝါသနာပါလွန်းတာကြောင့်တစ်ကြောင်း၊ ကျောင်းသင်ခန်းစာများထက် အကလေ့ကျင့်ရသည်ကိုသာ ပျော်မွေ့တာကြောင့် ပင်ပန်းသော်လည်း clubကနေထွက်ဖို့ စိတ်ကူးမရှိသေး။ Jiminသည် အက
နှင့်ပတ်သတ်လာလျှင် နည်းနည်းလေးမှ အမှားမခံဘဲ စည်းကမ်းတင်းကြပ်လွန်းသည်။ ကိုယ်တိုင်ကလည်း အကောင်းဆုံးဖြစ်အောင်လုပ်သလို club memberတွေကိုလည်း အကောင်းဆုံးသာဖြစ်စေချင်သည်။ သည်တော့ တစ်ချို့ကပြောလာသည်မှာ ဆရာလုပ်လွန်းသည်ဟူ၍။hobi hyungကတော့ အကုန်လုံးနှင့်အဆင်ပြေအောင် လျော့ပေါင်းတတ်ပေမဲ့ jiminကတော့ မကြိုက်ရင်မကြိုက်သလို ပွင့်ပွင့်လင်းလင်းပြောတတ်တာကြောင့် အငယ်တစ်ချို့က သိပ်မကြည်ကြ။ ခုလည်း Fresher Welcomeအတွက် အကုန်ပြင်ဆင်ပြီး လေ့ကျင့်နေကာမှ အဆင်မပြေလို့ အဖွဲ့ခွဲချင်တာတွေ ထွက်လာသည်။တစ်နေကုန်ဆွေးနွေးပြီး soohyungကြားက ညှိနှိုင်း
လိုက်မှသာ အဆင်ပြေသွားရသည်။