Love is hyung

33

               " Jimin na ဘယ်လိုဖြစ်တာလဲ "
               " Taehyung , လုပ်ပါဦး။ jungkook ခုထိ ပြန်မလာသေးဘူး။ ဖုန်းဆက်လို့လည်း မရဘူး။ သူဒီလို တစ်ခါမှ နောက်မကျဘူးတာ၊ တစ်ခုခုဖြစ်နေရင် ဘယ်လိုလုပ်မလဲ "
             " ဘာမှမဖြစ်ပါဘူး ။ ငါတို့လည်း ရောက်လာပြီပဲကို ဝိုင်းရှာပေးမယ်နော် "
             " ငါ သူ့ကို ဘယ်နေရာ သွားရှာရမယ်မှန်း မသိဘူး။ သူသွားတတ်တဲ့နေရာတွေ ငါတစ်နေရာမှ မသိခဲ့ဘူးပဲ ။ အမြဲ ငါသွားချင်တဲ့နေရာတွေပဲ ခေါ်သွားခဲ့တာ "
            " သူ့မာမီဆီကိုရော ဆက်ကြည့်ပြီးလား "
            " ပြီးပြီ အန်တီက ဒီမှာလို့ပဲထင်နေလို့ ငါဘာမှတောင် ပြောမပြလိုက်ဘူး "
" မငိုပါနဲ့တော့ jiminရာ။ ငါတို့ ဒီနားတစ်ဝိုက် အရင်လိုက်ရှာကြည့်ကြမယ်။ အဲ့ကလေးက တစ်ခါတလေ တစ်ယောက်ထဲ ထိုင်ရင်ထိုင်နေတတ်တာကို "
" Taehyung , သူ သူသိသွားတာဆိုရင်ရော ၊ သူသိသွားလို့ အရင်တစ်ခါလို ထွက်ပြေးပြန်တာဆိုရင်ရော "
" မဟုတ်ပါဘူး သူကဘယ်လိုလုပ် သိမှာလဲ "
" မာမီ၊ မာမီပြောလိုက်တာဆိုရင်၊ ငါဘာလို့ ဒါက်ို မစဉ်းစားမိခဲ့တာလဲ။ မာမီပြောလိုက်နိုင်တာပဲ။ ဒါဆို အဲ့ကလေးက "
ငိုနေရင်းမှ ကတုန်ကယင်တွေဖြစ်လာကာ ထိုင်ချလိုက်
သည့် သူငယ်ချင်းလေးကြောင့်။
" Jimin! သတိထားဦးလေ "
" အား..... ငါ သူ့ကို အဲ့ဒါတွေမုန်းတာ၊ တစ်ခုခုဆို
မရင်ဆိုင်ဘဲ ရှောင်ပြေးတာတွေ၊ သူ့အတွက်သူ လောဘနည်းလွန်းတာတွေ၊ ငါအရမ်းမုန်းတာပဲ "
" သူတကယ်သာသိသွားရင် ငါ့ကိုထားသွားမှာ taehyungရ၊ ငါ့ကိုထားခဲ့မှာ "
" jiminရာ "
ပြောရင်း ရှိုက်ကြီးတငင်ငိုနေသည့် သူငယ်ချင်းလေးအတွက် သူနှစ်သိမ့်စရာစကား ရှာမရခဲ့ပါ။

*******************************
" Jungkook ဘယ်မှာလဲ "
Jimin hyungကို သူသဘောမကျရသည့် အကြောင်းအရင်းများတွင် ဒီလိုတင်တင်စီးစီး အပြုအမူများလည်းပါသည်။ မျိုးရိုးဂုဏ်ဒြပ်တွေနှင့်ပြည့်စုံနေသည့် ချမ်းသာတဲ့မိသားစုမှ တစ်ဦးတည်းသောသားလေး။ ဖူးဖူးမှုတ် ချစ်ပေး၊ အလိုလိုက်ပေးကြမဲ့ မိသားစု၊ သူငယ်ချင်း၊ ပတ်ဝန်းကျင်တွေကြား မျက်နှာလှလှလေးသည် အမြဲတမ်း မော်ကြွားလျက်။ ယုန်ပေါက်နှင့် ပတ်သက်လာလျှင် ထိုမျက်နှာလှလှလေးတွင် အနိုင်ယူလိုခြင်း၊ ပိုင်စိုးခြင်းတွေပါ ပါလာတတ်သည်။
" အရင်ထိုင်ပါဦးလား jimin hyung။ ပြောပြဖို့ လှမ်းခေါ်လိုက်တဲ့သူက ကျွန်တော်ပါ "