Love is hyung

18

မီးဖိုပေါ်က ပန်ကိတ်ကို ပန်းကန်ပြားထဲထည့်ကာ အသီးလေးတွေနဲ့ အလှဆင်လိုက်ရင်း hyungကို နိုးရန် ပြင်မိသည်။ အခန်းရှေ့ရောက် တံခါးဖွင့်ရန်
လက်ရွယ်ရုံရှိသေး အခန်းတံခါးဖွင့်ကာ ထွက်လာသည့် hyung ။
" Morning Kookie "
ခုမှအိပ်ရာထလာသဖြင့် ဆံပင်ပွယောင်းယောင်း၊ အဝါရောင်ညအိပ်ဝတ်စုံလေးနှင့် မျက်လုံးတစ်ဖက်ကို လက်
ဖြင့်ပွတ်ရင်းထွက်လာသည့် hyungက အရမ်းချစ်ဖို့ကောင်းလွန်းနေသည်။ ပြီးတော့ ခေါ်သေးတာက kookieတဲ့။
" Hyung ထူးထူးဆန်းဆန်း ကျောင်းပိတ်ရက်ကို မနှိုးရသေးခင် ထလာပါလား"
ပြောသည်ကိုလည်း အာရုံမလာသည့်ပုံနှင့် ငိုက်စိုက်
ငိုက်စိုက်ဖြင်​့ မီးဖိုချောင်ကိုသာ ဆက်လျှောက်သွားပြန်သည်။ထိုင်ခုံမှာထိုင်ရင်း ဘာမှမပြောဘဲ
အဆင်သင့်ပြင်ပေးထားတဲ့ ပန်ကိတ်ကိုသာ တမြုံ့မြုံ့နဲ့စားနေ၏။ မျက်လုံးက သိပ်မပွင့်ချင်သေး။ ဘယ်လိုလေးလဲ hyungရာ။
      " ဘာလို့ စောစောထလာတာလဲ hyung အိပ်ရေးမဝသေးဘူးမလား "
      " အင်း ပြီးရင် အပြင်သွားရအောင်လို့ "
hyungပြောလိုက်သည့် စကားကြောင့် စားဟန်ပြင်နေသည့် ခက်ရင်းလေးက လေထဲမှာတန်းလန်း။
ခုတစ်ပတ်လုံး hyungက fresherတွေရဲ့ music club memberအသစ်ခေါ်ဖို့နဲ့ fresher welcomeမှာ soohyung noonaနှင့်အတူ clubကိုယ်စားပြုအနေနဲ့ ဖျော်ဖြေရန် လေ့ကျင့်နေရတာကြောင့် မအားလပ်၍ ကျောင်းတွင် သိပ်မတွေ့ဖြစ်၊ တစ်ခါတစ်ရံ ထမင်းတောင် အတူမစားဖြစ်သလို ဟိုနေ့ကဆို ကျောင်းကနေ တစ်ယောက်ထဲ ပြန်လာခဲ့ရသည်။ ဒီနေ့တော့ ကျောင်းပိတ်ရက်မို့ hyungကြိုက်တတ်တာတွေကို ချက်ကျွေးရင်း ခုရက်ပိုင်းလွမ်းနေရသမျှ အတူတူအချိန်ဖြုန်းရန် စီစဉ်ထားခဲ့သည်မှာ ခုတော့ဖြင့်။

အပြင်သွားရန် ပြောနေသည်ကို စကားပြန်မရဘဲ ငြိမ်သွားသည့် ကောင်လေးကြောင့် မော့ကြည့်မိတော့ စားလည်းမစားဘဲ ခက်ရင်းကြီးကိုင်ကာ ထိုင်နေ၏။ ဘာဖြစ်သွားတာတုန်း။
       " Jung Kookie? "
       " အာ nae hyung "
       " hyungပြောတာကြားလား အပြင်သွားရအောင်လို့ "
        " အမ် အ​ အပြင်က်ို ? "
        " အင်းလေ ခုပဲပြောနေတာကို မကြားလိုက်ဘူးလား ဘာဖြစ်နေတာလဲ နေမကောင်းဘူးလား "
      " hyung အပြင်သွားမယ်ဆိုတာ ကျွန်တော်နဲ့အတူတူ သွားမယ်ပြောတာလား "
      " အင်း Fresher Welcomeက သိပ်မလိုတော့ဘူးမလား အဲ့နေ့ကျဝတ်ဖို့ မင်းကို အဝတ်အစား လိုက်ဝယ်ပေးမလို့ "