Love is hyung

27

ချစ်သူဖြစ်ပြီးနောက်ရက်တွေကတော့ သာသာယာယာပါပဲ။ ကျောင်းအတူတူသွား၊ အတူတူပြန်သည်။ ကန်တင်းအတူတူထိုင်သည်။ hyungအကလေ့ကျင့်တဲ့အချိန်
လိုက်စောင့်ပေးသည်။ရေဆာရင် ရေဘူးကမ်းပေးဖို့၊
ချွေးတွေတအားထွက်နေရင် တဘက်ယူပေးဖို့၊ ပင်ပန်းနေရင် မှီတွယ်စရာလူရှိဖို့။Hyung က musicတွေ၊ အကတွေနဲ့ ပျော်ပါးတတ်သူ၊ ကျွန်တော်က စာအုပ်တွေ၊ ပန်းချီတွေနဲ့ ပျော်မွေ့တတ်သူ။ အကျင့်စရိုက်မတူညီတဲ့ နှစ်ယောက်မို့ အဆင်ပြေပါ့မလား စိုးရိမ်ခဲ့ပေမဲ့လည်း hyungကတော့ မတူညီတာမို့ ပိုပျော်စရာကောင်းပါသည်တဲ့။ သူကလည်း hyungကို မျက်စိအောက်က အပျောက်မခံခဲ့သလို၊ hyung သည်လည်း သူ့အနားမှာသာ နေတတ်သည်။ သူပန်းချီဆွဲသည့်အခါမျိုးတွင် အနားကနေ ရှုခင်းတွေအကြောင်း၊ တောတောင်တွေအကြောင်း ဆရာကြီးလေးလုပ်ရင်း ပြောနေတတ်သလို၊ သူစာအုပ်ဖတ်သည့်အခါမျိုးတွင်လည်း သူ့​ပေါင်ပေါ်လှဲကာ ငြိမ်ငြိမ်လေး သီချင်းနားထောင်နေတတ်သည်။ တစ်အိမ်တည်း တစ်ကျောင်းတည်းမို့ သူနဲ့hyung အတူတူမရှိသည့်အချိန်ဆိုသည်မှာ အတန်းတက်နေသည့်အချိန်လောက်သာ။ထိုခဏလေးကိုပဲ တစ်ခါတစ်ရံ hyungက ပျင်းပါသည်ဟု ဂျီကျတဲ့အခါ အတန်းမှန်သော ကျွန်တော် Jeon Jungkookသည် အတန်းလစ်တတ်ခဲ့ပါသည်။

Kim Taehyungတစ်ယောက် မျက်စိရှေ့က စုံတွဲကို
ကြည့်ပြီး တော်တော်အမြင်ကတ်နေပြီ။ အရိုးထွင်ထားသော ငါးအသားလုံးပေါင်း ရှိပါလျက်နှင့် အကောင်
လိုက်ပေါင်းထားသည့် ငါးကိုမှ စားချင်ပါသည်ဆိုသည့် အကောင်ပေါက်ကို ဟိုကလေးက တစ်ချက်မှ စောဒကမတက်ဘဲ စိတ်ရှည်လက်ရှည် အရိုးထိုင်နွှင်ပေးနေသည်။
အဲ့ဒါကို အကောင်ပေါက်က နွှင်ထားတာလေး စားလိုက်၊ ဟိုကလေးကို ပြန်ခွံ့ကျွေးလိုက်နှင့် ကန်တင်းလာပြီး တစ်စားပွဲတည်းထိုင်ကာ နှစ်ယောက်တစ်ကမ္ဘာ
တည်နေကြသည်။ အမြင်ကတ်လိုက်တာ၊ အဲ့ဒါကြောင့် ကျောင်းက တစ်ချို့တွေက ကဲကဲသဲသဲအတွဲလို့ ခေါ်ကြတာ။
                " Kim Taehyungရေ၊ ငါတို့ကို အဲ့လိုမကျေ
မနပ်ထိုင်ကြည့်နေရုံနဲ့ မင်းဗိုက်မဝဘူးနော်။ ကိုယ့်ဘာသာ စားစရာရှိတာစား "
               " ဪ ဪ ငါရှိမှန်း သိသေးသားပဲနော် ငါ့များကွက်ပြီး မမြင်တော့တာလားလို့ "
              " Hobi hyungမအားတိုင်း ငါ့ကိုလာကောက်မနေနဲ့နော် ငါက hobi hyungလို ချော့မှာမဟုတ်ဘူး "
" ငါကလည်း မင်းဆီက အချော့ခံချင်လွန်းလို့ "