Love is hyung

13

စာမေးပွဲနောက်ဆုံးနေ့မို့ အမြန်ဖြေပြီးသည်နှင့် jungkookတစ်ယောက် ပျော်ရွှင်စွာ အခန်းထဲက ထွက်လာခဲ့သည်။တော်ရုံစောမထွက်တတ်သူမို့ အကုန်လုံးက တအံ့တဩကြည့်တာပင် ခံခဲ့ရသေးသည်။ မတတ်နိုင် ဒီနေ့ hyungလာကြိုမှာမဟုတ်လား။ ဟိုနေ့က hyungရှေ့ ကလေးလိုငိုပြီးကတည်းက hyungက အများကြီးအလိုလိုက်လာသည်။ hyungဘက်ကတော့ ညီငယ်လေးတစ်ယောက်ကို ပြန်လာတုန်းခဏ အလိုလိုက်ပေးနေခြင်းလားမသိပေမဲ့လည်း ဘယ်လိုပင်ဖြစ်စေ သူကတော​့ ပျော်နေမိတာပင်။ ဒီနေ့လည်း စာမေးပွဲဖြေပြီးတာ လာကြိုပြီး မုန့်သွားစားကြမည်တဲ့။ ဝင်ပေါက်နားကိုကြည့်မိတော့ ရောက်နေပြီဖြစ်သော hyung။ စောထွက်လာခဲ့တာကိုတောင်။
          "Hyung! "
         " kookie စောလှချည်လား ထွက်လာတာ "
         " hyungတောင်ရောက်နေပြီကို"
         " hyungက ခုပဲရောက်တာပါ ဖြေနိုင်တယ်မလား"
        "Nae"
        " ဘာသွားစားမလဲ "
        " တံတားနားက ခေါက်ဆွဲ စားမလား "
hyungကြိုက်တာကိုမှ တမင်ရွေးပြောလိုက်တော့ မျက်ဝန်းလေးတွေ လက်သွားလိုက်တာများ။ပြီးတော့မှ
        " မင်းစားချင်ရင်ပေါ့ "တဲ့ hyungကတော့လေ။       
       " Jungkook ya "
သွားဖို့ပြင်နေတုန်း ခေါ်သံကြားသဖြင့် လှည့်ကြည့်မိသော Mingyu။

ထူးထူးဆန်းဆန်း အခန်းထဲကနေ စောထွက်သွားသည့် ယုန်ပေါက်ကြောင်​့နောက်ကလိုက်လာခဲ့တာ ထင်သည့်အတိုင်း ထိုလူသားကြောင့်ပင်။
             " မင်းကလည်း ငါ့တောင်မစောင့်ဘူး ထွက်သွားလိုက်တာ "
            " ဟင် ဘာလို့လဲ "
            " အာ ငါမပြန်ခင် မုန့်သွားစားမယ်လို့ ပြောထားတယ်မလား"
           " ဪ အင်းလေ ဒါပေမဲ့ ငါက နောက်နေ့မှထင်လို့ ဒီနေ့ hyungနဲ့ ချိန်းထားလိုက်တာ"
          " ငါက မနက်ဖြန်ပြန်တော့မှာကို"
စိတ်ရှုပ်သွားဟန်ပေါ်သည့် ယုန်ပေါက်။ sorryကွာ ငါလည်း နည်းနည်းလောက် တစ်ကိုယ်ကောင်းဆန်ကြည့်ချင်လို့။

ထူးဆန်းနေသည့်အခြေအနေနှင့် ရှေ့ကကလေးနှစ်ယောက်က်ို jiminရပ်သာ ကြည့်နေမိသည်။ ဒီကောင်လေးကို jiminသိသည်။ jungkookအိမ်ကို တစ်ခါတလေ လာအိပ်တာတွေ့မိတာကြောင့် jungkookနဲ့ အတော်ရင်းနှီးတဲ့ သူငယ်ချင်းဖြစ်မည်ဟုတောင် တွေးမိသေးသည်။ ဒါ့အပြင် ဒီကောင်လေး၏ အဖိုးကလဲ ဒီမြို့၏ နာမည်ကြီးတွေထဲက တစ်ယောက်မဟုတ်လား။ မြေးဖြစ်သူက seoulကနေ ကျောင်းလာတက်သည်ဆိုတာကြောင့် jiminတို့ အထက်တန်းကျောင်းက နာမည်ပင်ကြီးခဲ့သေးသည်။ တစ်ယောက်က ဝေခွဲမရသလို တစ်ယောက်ကလည်း မသွားရရင်မဖြစ်သလို လုပ်နေသည့် ကလေးနှစ်ယောက်ကြောင့်
" သုံးယောက်လုံး တူတူသွားကြရင် ဖြစ်တယ်မလား hyungတို့ တံတားနားက ခေါက်ဆွဲသွားစားမလို့ လိုက်စားပါလား hyungဝယ်ကျွေးမယ်လေ"
ပြောလိုက်တော့မှ ရောက်ကတည်းက jungkookဆီမှာသာရှိနေသော မျက်ဝန်းတို့က သူ့ဘက်လှည့်ကြည့်လာသည်။ တစ်ဆိတ် စူးရဲလွန်းနေသလားလို့။ ငါ့ကိုဘာများ အမြင်မကြည်စရာရှိလို့ပါလိမ့်။