YOU ARE READING

Unparalleld Leveling (Realm - 8) [Myanmar Translation]

Historical Fiction

Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Unparalleld Leveling (Realm - 8) E-tran...

#counterattack #cultivation #historical #power #system #transmigration

Chapter - 3

5.2K 501 16 
                                        

                                                  
Unicode

                              
၅၁၁။ ကျင့်ကြံခြင်းလောကရဲ့အပျော်အပါးမက်တဲ့သား
________________

                              
ဆေးလုံးစားပြီးနောက် နဉ်ရှုက မြေပေါ်ကနေ ဖြည်းဖြည်းချင်းထကာ ဇာပုဝါနှင့်အမျိုးသမီးကိုကြည့်လိုက်သည်။ ဒီမိန်းမက တကယ်ရက်စက်တာပဲ။ သူမမှာ လှုပ်ရှားဖို့အားတောင်မကျန်တော့ပေမယ့် ဒီမိန်းမက ဆက်တိုက်ဦးတော့မလို့။

                              
နဉ်ရှုရှေ့မှာရပ်နေသည့် သတ်လတ်ပိုင်းလူကြီးကလည်း မကျေမနပ်ဖြစ်နေပုံပေါ်သည်။ သူက ရှစ်ဟွေ့တိကိုကြည့်လိုက်ပြီးနောက် နဉ်ရှုဘက်ပြန်လှည့်လာကာ စိတ်ပျက်နေသည့်အေးစက်စက်နှာမှုတ်သံတစ်ချက်ပေး၏။

                              
နဉ်ရှုမှာရှုပ်ထွေးနေရကား ခေါင်းသာငုံ့ထားနိုင်တော့သည်။ သူမတစ်ကိုယ်လုံးက အပြင်းအထန်နာကျင်နေပြီး သူမကလည်း အခုလေးတင် စိတ်ပိုင်းဆိုင်ရာတိုက်ခိုက်မှုကြီးကြုံထားရတာလေ။

                              
သူမက ဘယ်လိုလုပ်ပြီး ယောက်ျားလေးဖြစ်လာရတာတုန်း? ယောက်ျားကိုယ်နဲ့ မိန်းမဝိဉာဉ်...သူမကို မိန်းမလျာဖြစ်အောင်လုပ်နေတာလား!?

                              
"သက်တန့်ဂိုဏ်းနဲ့ ကောင်းကင်ဥပဒေဂိုဏ်းပြိုင်ပွဲမှာ သက်တန့်ဂိုဏ်းက ရှစ်ဟွေ့တိနိုင်တယ်!"

                              
ဒိုင်လူကြီးကအော်သည်။

                              
နဉ်ရှုက ဘေးဘီကိုဝေ့ကြည့်လိုက်သည်။ ဒါက ဂိုဏ်းသားတွေအချင်းချင်းပြိုင်တဲ့ပွဲဖြစ်လောက်ပြီး သူမက အခုလေးတင် ရှစ်ဟွေ့တိအနိုင်ယူတာခံလိုက်ရတာပဲ။ ဒီအမျိုးသမီးကိုမြင်လိုက်ရချိန်မှာ သူမရဲ့နှလုံးသားလေးက ဂနာမငြိမ်စွာခုန်လှုပ်လာ၏။ ဒါက နဉ်ရှုရဲ့ခံစားချက်မဟုတ်ဘဲ ဒီကိုယ်ရဲ့တုန့်ပြန်မှုသာဖြစ်သည်။

                              
နဉ်ရှုက အခုထိအရမ်းအားနည်းနေတဲ့ပုံပေါ်နေသေးတာကိုမြင်တဲ့အခါ သတ်လတ်ပိုင်းလူကြီးက ဆေးလုံး‌နောက်တစ်လုံးထုတ်ကာ နဉ်ရှုပါးစပ်ထဲ ထိုးထည့်လိုက်၏။

                              
"မင်းအခန်းပြန်သွားပြီး ဒဏ်ရာကုချေ။ နောက်ပိုင်းမှာ မင်း ကောင်းကောင်းမွန်မွန်မလေ့ကျင့်ရင် ပိုရှက်စရာကောင်းတဲ့ဒါမျိုးကိစ္စတွေဖြစ်လာဦးမှာပဲ။"
Unparalleld Leveling (Realm - 8) [Myanmar Translation]Stories to obsess over. Discover now