VOUS LISEZ

Unparalleld Leveling (Realm - 8) [Myanmar Translation]

Fiction Historique

Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Unparalleld Leveling (Realm - 8) E-tran...

#counterattack #cultivation #historical #power #system #transmigration

Chapter - 36

2.7K 500 16 
                                    

                                              
Unicode

                          
၅၄၄။ ရန်သူဖြစ်ဖို့ကြမ္မာပါ
___________________

                          
နဉ်ရှုက အင်္ကျီလက်ကိုဆွဲတင်ကာ ရှဲ့ယွီကို လက်ညှိုးငေါက်ငေါက်ထိုးလျက်အော်တော့သည်။

                          
"အယုတ်တမာကောင်! မင်းက ဒီသခင်လေးကိုသတ်ဖို့ကြိုးစားရဲတယ်၊ ဒီနေ့ ဒီသခင်လေးသာ မင်းကို သင်ခန်းစာကောင်းကောင်းမပေးရင် ဒီသခင်လေးရဲ့မျိုးရိုးက ဝေ့မဟုတ်တော့ဘူး!"

                          
"နင် ‌မသေဘူးလား? နင်က ဘာလို့ ဒီမှာရှိနေတာတုန်း?"

                          
ရန်ကျောင်းက ဒေါသထွက်နေတဲ့အမူအရာနဲ့ ခက်ထန်စွာအော်လာသည်။

                          
"နင်က နှာဘူးကောင်လုံးဝမဟုတ်ဘူး! နှာဘူးကောင်က ဒီလောက်သန်မာတာ လုံးဝမဖြစ်နိုင်ဘူး!"

                          
"ကောင်မလေး၊ မင်းသာ ငါ့ကို နှာဘူးကောင်လို့ထပ်ခေါ်ရဲရင် ငါ မင်းကို တကယ်ပဲတစ်ခုခုလုပ်မိလိမ့်မယ်!"

                          
နဉ်ရှုက ရန်ကျောင်းကိုကြည့်လိုက်ပြီးနောက် မှတ်ချက်ချသည်။

                          
"အခု ငါကြည့်မိမှ မင်းက တကယ်ကိုချစ်ဖို့ကောင်းတဲ့ဒေါသအိုးလေးပဲ။"

                          
"နင်! အရှက်မရှိလိုက်တာ..."

                          
ရန်ကျောင်းရဲ့တစ်ကိုယ်လုံးက ဒေါသတို့နဲ့တုန်ရီနေရင်း သူမက နဉ်ရှုကို ကြာပွတ်နဲ့ညွှန်လာသည်။

                          
ရှဲ့ယွီက ရန်ကျောင်းကိုတားဖို့ လက်တစ်ဖက်ဆန့်ထုတ်လိုက်သည်။ သူက နဉ်ရှုကို လူသတ်ချင်တဲ့အကြည့်နဲ့ကြည့်ရင်း အေးစက်စွာဆိုသည်။

                          
"ဝေ့လျန်ယွဲ့၊ မင်းက မိန်းကလေးတွေကို ဘာအတွက်အနိုင်ကျင့်နေတာလဲ?"

                          
"ဒါဆို မင်းကရော? မင်းက မင်းအတွက်ရှေ့ထွက်ပြောပေးဖို့ မိန်းကလေးတစ်ယောက်ကို တကယ်ကြီးလိုတယ်ပေါ့?"

                          
နဉ်ရှုက ပြန်ချေပသည်။

                          
"ကျလိ ကျလိ...!"

                          
နဉ်ရှုကန်လိုက်တဲ့ဇာမဏီငှက်က သူ့ကိုယ်ထက်မှာကခုန်နေတဲ့မီးတောက်တွေနဲ့အတူ နဉ်ရှုဆီ ဒေါသတကြီးထိုးဆင်းလာသည်။ သူက အစောတုန်းကကန်ချက်အတွက် နဉ်ရှုကိုအငြိုးထားနေသည်မှာသိသာသည်။

                          
နဉ်ရှုက ရှောင်ဖို့မလုပ်ဘဲ ထိပ်တိုက်ရင်ဆိုင်ဖို့ပြင်သည်။ သူမက သူမခွန်အားရဲ့ကန့်သတ်ချက်ကို သိချင်တာဖြစ်၏။ သူမရဲ့လက်သီးနဲ့ဇာမဏီရဲ့ခေါင်းမိတ်ဆက်သွားသည်၌ သံမဏိတုံးအပူတလောင်ကြီးကိုထိုးလိုက်မိသလို သူမ ခံစားလိုက်ရသည်။
Unparalleld Leveling (Realm - 8) [Myanmar Translation]Où les histoires vivent. Découvrez maintenant