ESTÁS LEYENDO

Unparalleld Leveling (Realm - 8) [Myanmar Translation]

Ficción Histórica

Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Unparalleld Leveling (Realm - 8) E-tran...

#counterattack #cultivation #historical #power #system #transmigration

Chapter - 28

3.5K 529 26 
                                        

                                                  
Unicode

                              
၅၃၆။ ဆွဲဆောင်မှုရှိလိုက်တဲ့လက်ကလေးတွေ
____________________

                              
လျိုချင်းယန်က နဉ်ရှုကို စိုက်ကြည့်လိုက်ပြီးနောက် သံမဏိကျောဝံပုလွေတွေကို စတိုက်ဖို့ သူ့စိတ်ဝိဉာဉ်လက်နက်ကိုထုတ်သည်။ ကျန်လူတွေကလည်း ဒီဝိုင်းထားတာကနေ သူတို့ချိုးဖောက်ထွက်နိုင်မယ့် အားနည်းသည့်နေရာကို ရှာကြ၏။

                              
မည်သူမှ နဉ်ရှုကို အရေးမလုပ်ကြပေ။ သူတို့သာ အောင်အောင်မြင်မြင်အပြင်ထွက်နိုင်သွားကြလျှင် နဉ်ရှုအတွက် ပြန်လာမှာမဟုတ်တာ ရှင်းနေသည်။

                              
ကျွတ် ကျွတ်။ ပြီးတော့ အစောတုန်းက သူတို့က သူမကို ဂိုဏ်းအပေါ်သစ္စာရှိမှုအကြောင်း သင်ခန်းစာလာပို့ချနေသေးတယ်။ သူတို့က ဂိုဏ်းကိုလုံးဝသစ္စာမရှိတာ အသိသာကြီးကို။ ကျင့်ကြံသူတွေအားလုံးက ထူးထူးခြားခြားတစ်ကိုယ်ကောင်းဆန်ကြတာပဲ။ အမြင့်မားဆုံးခွန်အားကိုရဖို့အတွက်၊ ကျင့်ကြံဖို့အတွက်၊ သူတို့ရဲ့ပန်းတိုင်တွေကိုရောက်ဖို့အတွက်နဲ့ သူတို့က တခြားသူတွေကို အရေးမစိုက်တော့ဘဲ အရမ်းတစ်ကိုယ်ကောင်းဆန်လာကြတယ်။

                              
ဒီလူတွေက မသေမျိုးတွေဖြစ်လာနိုင်ရင်တောင် တကယ်တမ်း သူတို့မှာ ဘာရှိမှာလဲ?

                              
နဉ်ရှုက လေလျှပ်စီးလင်းယုန်ကို တိုက်ခိုက်စေလိုက်သည်။ လေလျှပ်စီးလင်းယုန်က ကောင်းကင်ထက်ပျံတက်သွားပြီးနောက် အောက်ကို တဟုန်ထိုးပြန်ဆင်းလာကာ သံမဏိကျောဝံပုလွေတစ်ကောင်ရဲ့ ခုံးထနေတဲ့ကျောကို ချိုးပစ်လိုက်၏။ သံမဏိကျောဝံပုလွေမှာ ကျောရိုးကျိုးသွားတာကြောင့် ချက်ချင်းသေသွားတော့သည်။

                              
နဉ်ရှုက အသက်ပြင်းပြင်းရှူလိုက်ပြီးနောက် လက်သီးဆုပ်ကာ သူမဆီခုန်အုပ်လာတဲ့ဝံပုလွေကို ထိုးလိုက်သည်။ သူမရဲ့လက်သီးက ဝံပုလွေရဲ့ခေါင်းကိုထိသွားပြီး သူ့ခေါင်းက ချက်ချင်းကွဲထွက်သွား၏။ သူ့ကိုယ်သည်ပင် အပိုင်းပိုင်းအတစ်တစ်ဖြစ်သွားခဲ့သည်။

                              
နဉ်ရှု အင်မတန်စိတ်လှုပ်ရှားသွားရသည်။ သူမရဲ့ခွန်အားက တကယ်ကို အများကြီးတိုးတက်လာတာပဲ။ ဒါက သူမအနေနဲ့ ရှုပ်ထွေးပြီးရယ်စရာကောင်းတဲ့လှုပ်ရှားမှုတွေ လုပ်စရာမလိုဘဲ လက်ဗလာကိုပဲသုံးပြီး ခုခံနိုင်စွမ်းမမြင့်တဲ့အရာတွေကို ပြင်းပြင်းထန်ထန်ဒဏ်ရာရသွားအောင်လုပ်နိုင်တယ်ဆိုတဲ့ အဓိပ္ပာယ်ပဲ။
Unparalleld Leveling (Realm - 8) [Myanmar Translation]Historias para obsesionarse. Descúbrelo ahora