ESTÁS LEYENDO

Unparalleld Leveling (Realm - 8) [Myanmar Translation]

Ficción Histórica

Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Unparalleld Leveling (Realm - 8) E-tran...

#counterattack #cultivation #historical #power #system #transmigration

Chapter - 9

3.8K 491 21 
                                        

                                                  
Unicode

                              
၅၁၇။ တံခါးပိတ်လေ့ကျင့်ရတဲ့ဘဝ
____________________

                              
စေ့စပ်တာကိုဖျက်ဖို့ မဖြစ်နိုင်လောက်ဘူးဆိုတာကိုကြားတဲ့အခါ နဉ်ရှု စိုးရိမ်လာပြီး အလျင်စလိုမေးမိရသည်။

                              
"ကျွန်တော်တို့ စေ့စပ်တာကို ဖျက်လို့မရဘူးပေါ့?"

                              
"ဘာအကြောင်းပြချက်မှမရှိဘဲ ရုတ်တရက်ကြီးစေ့စပ်တာကိုထဖျက်ဖို့ဆိုတာက လုံးဝမဖြစ်နိုင်ဘူးကွ။ သက်တန့်ဂိုဏ်းက သေချာပေါက် ဝေဖန်မှာ၊ ပြီးတော့ ငါတို့ကောင်းကင်ဥပဒေဂိုဏ်းက အခြေအနေဟန်မှာမဟုတ်တော့ဘူး။ ဒါဆို ဂိုဏ်းနှစ်ဂိုဏ်းရဲ့ပူးပေါင်းမှုကလည်း ရှေ့ဆက်ဖို့ခက်လိမ့်မယ်။"

                              
ဝေ့မင်ကပြောသည်။ သူက ကောင်းကင်ဥပဒေဂိုဏ်းရဲ့အကြီးအကဲဖြစ်ပြီး ဂိုဏ်းရဲ့ကောင်းကျိုးကို စဉ်းစားရမည်ဖြစ်၏။ သို့သော်ငြား သူ့သားတစ်ယောက် ဇနီးလောင်းရိုက်နှက်တာကို ဆိုးဆိုးဝါးဝါးခံလိုက်ရတာကို သတိရမိလေတိုင်း သူ ဒေါသနည်းနည်းထွက်လာတတ်သည်။

                              
ရှစ်ဟွေ့တိက လှသည်၊ အရည်အချင်းအရမ်းရှိသည်၊ ပြီး သူမက အရမ်းလည်းမာနကြီးသေးသည်။ အဖိုးကြီးဝေ့တစ်ယောက် ဘယ်လောက်ပဲပေါက်ကရတွေပြောနေပါစေ သူ့သားက အရိုက်ခံတာကျွမ်းကျင်သူကြီးဖြစ်နေတာကိုတော့ သူ လုံးဝဂုဏ်ယူနိုင်မည်မဟုတ်ပေ။

                              
နဉ်ရှုသည်လည်း ဒီစေ့စပ်တာကိုဖျက်သိမ်းဖို့က နည်းနည်းခက်ခဲတယ်ဆိုတာကိုသိတာမို့ သူမက ဒေါသတကြီးဆိုလေ၏။

                              
"သက်တန့်ဂိုဏ်းက ကျွန်တော်တို့ ကောင်းကင်ဥပဒေဂိုဏ်းထက် အများကြီးပိုအားနည်းတယ်။ ကျွန်တော်တို့က ရှေးဟောင်းသလင်းတွင်းကိုတူးဖို့ သူတို့နဲ့ဘာကြောင့်ပူးပေါင်းမှဖြစ်မှာလဲ? ကျွန်တော်တို့ ကိုယ်ဘာသာတူးနိုင်တာပဲ!"

                              
"မင်းရဲ့ကျင့်ကြံဆင့်က အရမ်းနိမ့်နေရင် မင်း ဒီဘဝမှာ အမြင့်ရောက်နိုင်မှာမဟုတ်ဘူး။"

                              
ဝေ့မင်က နဉ်ရှုရဲ့ပခုံးကိုပုတ်လိုက်တာကြောင့် သူမပခုံးမှာ အဆစ်လွဲမလိုဖြစ်သွား၏။

                              
"မင်းအဖေ ဒီကိစ္စကိုဂရုစိုက်လိုက်ပါ့မယ်။ ရှစ်ဟွေ့တိ မင်းကို ဒီလိုအနိုင်ကျင့်တာကို ငါတို့ ခွင့်ပြုထားလို့မရဘူး။ ဟား၊ ဒါပေမယ့် မင်းက တကယ်ကိုအသုံးမကျတာပဲကွ။ မင်းက မိန်းမတစ်ယောက်ရိုက်တာကို ဆိုးဆိုးဝါးဝါးခံရပြီး ဒီကိစ္စကို မင်းအတွက်ဖြေရှင်းပေးဖို့ ငါဝင်ပါတာကိုတောင်လိုသေးတယ်။ မင်းက ဝေ့မိသားစုရဲ့မျိုးရိုးစဉ်ဆက်ဆယ့်ရှစ်ဆက်လုံးကို မျက်နှာပျက်ရအောင်လုပ်လိုက်တာပဲ။"
Unparalleld Leveling (Realm - 8) [Myanmar Translation]Historias para obsesionarse. Descúbrelo ahora