Unparalleld Leveling (Realm - 8) [Myanmar Translation]

Chapter - 17

Unicode

၅၂၅။ ကယ်ပါ! သူ ကျွန်တော့်ကိုသတ်ဖို့ကြိုးစားနေတယ်! Q-Q
__________________

နဉ်ရှုက ပစ္စည်းတွေအများကြီးလဲလှယ်ဖို့ ရှစ်ဟွေ့တိ သူမကိုပေးခဲ့သည့်ဆေးလုံးများကို သုံးသည်။ တန်ဖိုးအကြီးဆုံးကတော့ သေချာပေါက်ကို 2333မှ မူလပထမသဏ္ဍာန်မဲ့ကျောက်အဖြစ် အတည်ပြုပေးခဲ့သည့်ပစ္စည်း‌ဖြစ်ပေ၏။ အဲ့ဒါက နာမည်နဲ့တင် အတော်ရှားပုံပေါ်သည်။ အရင်က ဟိုထူးဆန်းတဲ့နေရာမှာ သူမ မူလပထမသဏ္ဍာန်မဲ့စွမ်းအင်တွေကို စုပ်ယူဖူးသည်။ မူလပထမသဏ္ဍာန်မဲ့ကျောက်မှာရော အဲ့စွမ်းအင်တွေပါတာဖြစ်နိုင်မလား?

[T/N : Realm-5နောက်ဆုံးနားလောက်မှာ နဉ်ရှု spaceတစ်ခုကိုရောက်သွားတာ မှတ်မိမယ်ထင်ပါတယ်။ အဲ့နေရာကိုပြောတာ။]

နဉ်ရှု လှည့်ကြည့်လိုက်မိပြီး ရှစ်ဟွေ့တိက သူမကို အေးစက်စွာကြည့်နေကာ ရှဲ့ယွီကတော့ သူမက သူ့အတွက်သေလူဖြစ်နေသလိုမျိုး ကြည့်နေတာကို တွေ့လိုက်ရသည်။

ရှဲ့ယွီက နဉ်ရှုရဲ့အရှက်မဲ့လှတဲ့အပြုအမူကိုကြည့်နေပြီးနောက် ရှစ်ဟွေ့တိဘက်လှည့်ကာဆိုသည်။

"ကျွန်တော်တို့ သူ့ကို အသက်ရှင်လျက်ထားလို့မရဘူး။ သူ့ရဲ့တည်ရှိမှုက ဂိုဏ်းတူအစ်မရဲ့ဂုဏ်သတင်းကို ထိခိုက်နေတယ်။ သူက ဂိုဏ်းတူအစ်ကို အရှက်ခွဲဖို့ တမင်ဒီလိုလုပ်နေတာ။ ကျွန်တော်တို့ မြေအောက်ခန်းကိုရောက်တဲ့အခါ ဒီဂိုဏ်းတူ‌မောင်လေးက ဂိုဏ်းတူအစ်မ လက်စားချေနိုင်ဖို့ကူညီပေးပြီး သူ မြေအောက်ခန်းကနေ ဘယ်တော့မှထွက်မလာနိုင်အောင် သေချာလုပ်ပါ့မယ်။"

ဇာပဝါအောက်ရှိ ရှစ်ဟွေ့တိရဲ့နှုတ်ခမ်းတွေက ပွင့်ဟလာသော်ငြား ထို့နောက်တွင်တော့ သူမက နှုတ်ခမ်းတို့ကိုကိုက်ကာ တိတ်ဆိတ်နေတော့သည်။

ဒီအပြုအမူကနေပြီး သူ့ဂိုဏ်းတူအစ်မက သူ့အစီအစဉ်ကို သဘောတူလိုက်တာမှန်း ရှဲ့ယွီသိလိုက်သည်။ ဒီလူက ချမ်းသာပြီးအပျော်အပါးမက်တဲ့သားဆိုတာကလွဲပြီး ဘာမှမဟုတ်ဘူး။ သူ သေချာလုပ်သရွေ့ ဘယ်သူမှ သတိထားမိမှာမဟုတ်ဘူး။ ဂိုဏ်းတူအစ်မလို ဖြူစင်တဲ့သူက ဒီလိုရွံစရာလူကြောင့်နဲ့ လူတွေ ထူးထူးဆန်းဆန်းကြည့်တာကို မခံရသင့်ဘူး။