Unparalleld Leveling (Realm - 8) [Myanmar Translation]

Chapter - 40

Unicode

၅၄၈။ ဧရာမမြွေနက်ကြီး
_______________

သူမ အပြင်မထွက်နိုင်သေးခင်မှာပင် အမြီးအကြီးကြီးနဲ့တူတဲ့အရာက သူမဆီလွှဲရိုက်လာသည်။ နဉ်ရှုက တိုက်ခိုက်မှုကို အလျင်အမြန်ရှောင်လိုက်၏။ သူမ လှမ်းကြည့်လိုက်မိချိန်တွင် အရိပ်ထဲမှာပုန်းကွယ်နေသည့် မထိခိုက်သေးသောမြွေတစ်ကောင်ရှိနေသေးကြောင်းတွေ့လိုက်ရသည်။ မြွေက အတော်လေးကြီးသည်။ သူ့ကိုယ်က ယောက်ျားကြီးတစ်ယောက်ရဲ့ခါးလောက်တုတ်ပြီး ပေနှစ်ဆယ်နီးပါးအရှည်ရှိသည်။

မြွေက ခေါင်းကနေအမြီးထိ အနက်ရောင်ဖြစ်ပေမယ့် သူ့မျက်လုံးတွေကတော့ ရဲရဲနီနေသည်။ သူက သူ့ရဲ့လျှာနှစ်ခွကို ပြူတစ်ပြူတစ်လုပ်ရင်း နဉ်ရှုကိုအုပ်မိုးလာသည်။

နဉ်ရှုက အသက်ပြင်းပြင်းရှူလိုက်ပြီး အပုပ်နံ့ဆိုးက သူမနှာခေါင်းထဲချက်ချင်းပြည့်နှက်သွားသည်။ သူမက တည်ငြိမ်အောင်လုပ်ဖို့ကြိုးစားနေတာပေမယ့် ဒီအနံ့ဆိုးကြီးက သူမကို အန်မိတော့မလိုဖြစ်သွားစေသည်။

သူမ ဒီအနံ့ကိုဆက်မခံနိုင်တော့ဘူး။ နံလွန်းတယ်၊ ရွံဖို့ကောင်းလွန်းတယ်! သူမက တိုက်ခိုက်လိုက်ဖို့ပဲဆုံးဖြတ်လိုက်ကာ မြွေရဲ့ခေါင်းကို သူမဓားနဲ့ထိုးချလိုက်သည်။

ဧရာမမြွေကြီးက သူ့ရဲ့အမြီးတုတ်တုတ်ကြီးကို နဉ်ရှုဆီလွှဲရိုက်လာသည်။ နဉ်ရှုက အမြီးကိုရှောင်လိုက်ပြီး မြွေရဲ့ခေါင်းကို ဓားနဲ့ထိုးလိုက်သည်။ အပြန်အလှန်အနေဖြင့် မြွေက သူမဆီ မီးတောက်နီချော်ရည်ခဲတွေကိုထွေးထုတ်သည်။ နဉ်ရှုက အလျင်အမြန်ရှောင်လိုက်သော်ငြား သူမအဝတ်တွေကတော့ မီးလောင်သွားဆဲဖြစ်၏။

အပူလောင်တာကြောင့် သူမရဲ့အရေပြားက နီရဲရောင်ကိုင်းလာတာကို နဉ်ရှုတွေ့လိုက်ရသည်။ သူမက မြွေရဲ့ခေါင်းကို အလျင်အမြန်ပင်ဓားနဲ့ထိုးလိုက်တော့သည်။ စိတ်ဝိဉာဉ်လက်နက်က အင်မတန်ထက်ပြီး နဉ်ရှုရဲ့ခွန်အားပါပေါင်းလိုက်သည်၌ သူမက မြွေရဲ့ခေါင်းကိုပေါက်သွားအောင်ထိုးလိုက်နိုင်သည်။ သွေးတွေပန်းထွက်လာပြီး လေထုထဲမှာ ပိုဆိုးတဲ့အနံ့ဆိုးကြီးနဲ့ပြည့်သွားတော့သည်။ ဧရာမမြွေကြီးက အထိတ်ထိတ်အလန့်လန့်ရုန်းကန်နေပြီး သူပြုတ်ကျလာတာကြောင့် မရေမတွက်နိုင်တဲ့တိုင်တွေပျက်စီးသွားသည်။