Unparalleld Leveling (Realm - 8) [Myanmar Translation]

Chapter - 26

Unicode

၅၃၄။ ခေါင်းခွဲသူကြီးနဉ်ရှုပြန်လာပြီ!_____________________

ဒါကတော့ မင်းမှာ အတွေ့အကြုံမရှိသေးရင် ဘာဖြစ်မယ်ဆိုတာပဲ။ ပြီးတော့ အရေးကြီးတကာ့အရေးကြီးဆုံးကတော့ သုံးစားမရတဲ့systemက မင်းနဲ့ရှိနေချိန်မှာပေါ့လေ။

လေလျှပ်စီးလင်းယုန်ရဲ့အမြန်နှုန်းက အများကြီးတိုးတက်လာပြီး သူက ခဏလေးအတွင်းမှာတင် ပင်လယ်နဲ့အဝေးကြီးကိုပျံသန်းသွားခဲ့၏။

နဉ်ရှုက ဆင်းဖို့အတွက် သူ့အတောင်တွေကိုပုတ်လိုက်သည်။

သူမ အချိန်ခဏကြာအောင်လျှောက်သွားခဲ့ပေမယ့် ဘယ်သူနဲ့မှမတွေ့ချေ။ ဝိဉာဉ်ဆေးပင်တွေနဲ့ ပိုပြီးတန်ဖိုးကြီးတဲ့သဘာဝရင်းမြစ်တွေကိုတွေ့တဲ့အခါ သူမက အဲ့အရာတွေကို ဝိဉာဉ်‌သားရဲတွေစောင့်ကြပ်နေတယ်ဆိုရင်တောင်မှ သူမရဲ့ခွန်အားကိုစမ်းသပ်ချင်တဲ့အတွက် စုဆောင်းဖို့လုပ်တတ်သည်။

ထို့နောက်တွင်တော့ စိတ်ဝိဉာဉ်အသီးတွေသီးနေတဲ့ နွယ်ပင်အကြီးကြီးကိုတွေ့လိုက်ရသော်ငြား အပင်ကို ခက်ထန်ပြီးဒေါသကြီးတဲ့ဝက်ဝံကြီးတစ်ကောင်စောင့်ကြပ်နေသည်။

နဉ်ရှုမှာ ဝက်ဝံကြီးကိုကြည့်ရင်း သူမရဲ့ယုံကြည်မှုတွေ ပျောက်ကွယ်ကုန်တာကို ခံစားမိလာသည်။ သို့သော်ငြား သူမက စွမ်းအားတို့ကိုလှည့်ပတ်ကာဖြင့် ဝက်ဝံကြီးကို သူမရဲ့ဓားနဲ့တိုက်ခိုက်လိုက်ဆဲဖြစ်၏။ ဒေါသအိုးဝက်ဝံကြီးက စိတ်တိုသွားပြီး နဉ်ရှုကိုရိုက်ဖို့ သူ့လက်ဖဝါးကြီးကိုမြှောက်လိုက်သည်။

သို့ပေသိ နဉ်ရှုရဲ့ဓားက ဝက်ဝံကြီးရဲ့လက်ဖဝါးကို တကယ်ကြီးဖောက်ဝင်သွားခဲ့၏။

ဒါက စိတ်ဝိဉာဉ်လက်နက်ကြောင့် မဖြစ်နိုင်ဘူး။ နဉ်ရှုက လက်သီးဆုပ်ဖို့ကြိုးစားလိုက်သည်။ သူမရဲ့တစ်ကိုယ်လုံးက စွမ်းအားတွေနဲ့ပြည့်နေသလိုခံစားနေရသည်။ သူမက မြေပေါ်ကနေခုန်လိုက်ကာ လက်သီးတင်းတင်းဆုပ်လျက် ဒေါသအိုးဝက်ဝံကြီးရဲ့ခေါင်းကို ပိတ်ထိုးလိုက်တော့သည်။

ဒေါသအိုးဝက်ဝံကြီးရဲ့ခေါင်းက ဖရဲသီးတစ်လုံးကွဲသွားသလို ချက်ချင်းပေါက်ကွဲသွားပြီး မီးခိုးရောင်ဦးနှောက်အပိုင်းအစတွေနဲ့ရောနေတဲ့ညှီစို့စို့သွေးတွေက နဉ်ရှုရဲ့မျက်နှာတပြင်လုံးမှာ ပြန့်နှံ့သွားတော့သည်။