Unparalleld Leveling (Realm - 8) [Myanmar Translation]

Chapter - 57

Unicode

၅၆၅။ ငါ ကောင်းကင်ဘုံကိုတိုင်တည်ပြီးကျိန်ဆိုတယ်!
_____________________

ရန်ကျောင်းရဲ့စွပ်စွဲချက်ကိုကြားတဲ့အခါ နဉ်ရှုကမျက်လုံးလှန်၏။

"ငါက သူ့ကိုဒီလိုဖြစ်အောင်လုပ်တဲ့လူဆိုတာကို မင်းဘယ်မျက်လုံးနဲ့မြင်လိုက်တာတုန်း? သူကမှ မသေမျိုးအိမ်တော်ထဲကရင်းမြစ်တွေကိုထုတ်မပေးချင်လို့ ငါ့မှာမသေမျိုးအိမ်တော်ရှိပါတယ်ဆိုပြီး မဟုတ်တမ်းတရားတွေစွပ်စွဲနေတဲ့သူလေ! ဒီလောက်အရှက်မဲ့တဲ့လူကို အရင်က ဒီဖေဖေတစ်ခါမှမတွေ့ဖူးဘူး!"

ရှဲ့ယွီက နဉ်ရှုကို ထိတ်လန့်ဖွယ်ကြည့်လာသည်။

"ဘယ်သူက သူများကိုမတရားစွပ်စွဲတဲ့သူလဲ?"

"မင်းက ငါ့ကိုမတရားစွပ်စွဲနေတဲ့သူလေ!"

နဉ်ရှုက သူမလက်ကို ကျိန်ဆိုဟန်ထောင်ကာဆိုသည်။

"မသေမျိုးအိမ်တော်က ငါ့ဆီမှာရှိနေရင် ငါ ကျင့်ကြံဆင့်ဘယ်တော့မှမတက်နိုင်ဘဲ သွေးကြောတွေဖျက်ဆီးခံရပါစေလို့ အထက်ကောင်းကင်ဘုံကို တိုင်တည်ကျိန်ဆိုတယ်!"

ဒီကမ္ဘာကကျင့်ကြံသူတွေ ကောင်းကင်ဘုံကိုတိုင်တည်ကျိန်ဆိုတဲ့အခါ သူတို့ကျိန်ဆိုချက်က တကယ်ထိ‌ရောက်သည်။ အခုအချိန်မှာ မသေမျိုးအိမ်တော်ကသူမဆီမှာတကယ်မရှိတာမို့ နဉ်ရှုက ဒီဟာကွက်ကိုအခွင့်အရေးယူလိုက်တာဖြစ်၏။

နဉ်ရှုက သူမရောက်လာတာနဲ့ ဒီလိုလေးနက်တဲ့ကျိန်ဆိုမှုကိုလုပ်လိုက်တာမို့ လူတိုင်း အကြီးအကျယ်အံ့ဩသွားကြသည်။ ရှဲ့ယွီရဲ့မျက်နှာအရောင်က ပိုလို့ပင်ဆိုးရွားလာတော့သည်။ ဝေ့လျန်ယွဲ့ရဲ့အပြုအမူက ပြသနာကို သူ့ဆီပြန်ပစ်ပေးလိုက်တာပဲ။ အခုနေ သူ တူညီတဲ့ကျိန်ဆိုချက်လုပ်ရင်တောင် သေချာပေါက်ယုံကြမှာမဟုတ်ဘူး။

ကိစ္စတွေအမြဲချောမွေ့နေခဲ့တဲ့ရှဲ့ယွီမှာ တစ်နေ့ သူဒီလိုအကျပ်အတည်းကြားရောက်လိမ့်မယ်လို့ တစ်ခါမှမတွေးမိပါချေ။

"နင်၊ နင်..."

ရန်ကျောင်းမှာ အတော်လေးရိုးစင်းတဲ့အကျင့်စရိုက်ရှိပေမယ့် ဒါက သူမကငတုံးလို့မဆိုလိုပေ။ အခု ရှဲ့ယွီဘာပဲလုပ်လုပ်အသုံးမဝင်တော့ဘူးဆိုတာ သူမနားလည်သည်၊ ရန်ကျောင်းမှာ ခံပြင်းလွန်း၍ငိုတော့၏။ သူမက ကြာပွတ်ကိုထုတ်ကာ နဉ်ရှုကိုတိုက်ခိုက်ဖို့ပြေးလာသည်။