VOUS LISEZ

Unparalleld Leveling (Realm - 8) [Myanmar Translation]

Fiction Historique

Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Unparalleld Leveling (Realm - 8) E-tran...

#counterattack #cultivation #historical #power #system #transmigration

Chapter - 14

3.5K 492 11 
                                        

                                                  
Unicode

                              
၅၂၂။ နှာဘူးကောင်ကြီး!
_________________

                              
သူမတို့ မြေအောက်ခန်းအဝင်ဝကိုရောက်ဖို့ နေ့ဝက်ကြာသည်။ အဲ့မှာ လူတွေအများကြီးရောက်နေကြပြီဖြစ်သည်။ သူတို့က ဂိုဏ်းအလိုက် အဖွဲ့သေးသေးလေးတွေကွဲနေပြီး မြေအောက်ခန်းပွင့်ဖို့ စောင့်နေကြသည်။

                              
နဉ်ရှု ဆင်းလာချိန်မှာပဲ အင်မတန်အေးစက်ခက်ထန်လှသည့် မိန်းကလေးအသံတစ်သံထွက်ပေါ်လာသည်။

                              
"နှာဘူးကောင်ကြီး၊ နင် တကယ်ပေါ်လာရဲသေးတယ်ပေါ့လေ!?"

                              
လူတိုင်းက ဝေါကနဲရယ်မောလာကြပြီး သူတို့က စတင်အော်ဟစ်လာကြ၏။

                              
"နှာဘူး၊ နှာဘူး..."

                              
ကောင်းကင်ဥပဒေဂိုဏ်းရဲ့ဂိုဏ်းသားတွေက နဉ်ရှုဆီကနေ ချက်ချင်းပင်ဖယ်ခွာသွားကြပြီး သူမကိုမသိသလိုလုပ်နေကြတော့သည်။

                              
နဉ်ရှုကား ဘာဖြစ်နေမှန်း မသိသေးပါချေ။ သူမက သူမရှေ့ရှိ ဖျတ်လတ်တက်ကြွနေသောမိန်းမငယ်ကိုကြည့်သည်။ မိန်းကလေးရဲ့ခါးမှာ သူမလှုပ်ရှားလိုက်တိုင်း တချွင်ချွင်မြည်နေသည့် ခေါင်းလောင်းလေးတစ်ခုရှိနေသည်။

                              
"မင်းက ဘယ်သူလဲ?"

                              
သူမက မိန်းကလေးကိုကြည့်လိုက်ရင်း စိတ်တိုနေသည့်လေသံဖြင့်ဆိုသည်။

                              
"ငါက ဘာလို့မလာရဲရမှာလဲ? ဒီနေရာက မင်းမိသားစုပိုင်တာမို့လား?"

                              
"နှာဘူးကောင်ကြီး၊ နင်က ဂိုဏ်းတူအစ်မနဲ့စေ့စပ်တာကို တကယ်ကြီးဖျက်ရဲတယ်ပေါ့လေ!? ဒီနေ့ ငါ ဂိုဏ်းတူအစ်မအစား ကလဲ့စားချေမယ်!"

                              
မိန်းကလေးက ဖြောင့်မတ်လေဟန်ဖြင့်အော်သည်။

                              
"နင့်လိုအမှိုက်မျိုးက ဘယ်လိုလုပ်ပြီး စေ့စပ်တာကို ဖျက်ရဲရတာလဲ?"

                              
နဉ်ရှု : ...

                              
သူမ ဘေးဘီကိုဝေ့ဝဲကြည့်လိုက်မိပြီး ရှစ်ဟွေ့တိက အဖြူရောင်ဝတ်စုံ၊ ဇာပဝါနှင့် ခါတိုင်းလိုပင် မာနကြီးသည့်ဟန်ပန်ဖြင့် အနီးနားတွင်ရပ်နေသည်ကိုတွေ့လိုက်ရ၏။ ထူးထူးခြားခြားချောမောလှသည့်အမျိုးသားတစ်ယောက်က သူမဘေးတွင်ရပ်နေသည်။ သူက အမျိုးသားဇာတ်လိုက်ရှဲ့ယွီဆိုတာ နဉ်ရှု သေချာပေါက်သိလိုက်သည်။
Unparalleld Leveling (Realm - 8) [Myanmar Translation]Des histoires addictives. Découvrez maintenant