Unicode
၅၇၃။ ဝါသနာတစ်ခုအနေနဲ့ ရှဲ့ယွီကိုသတ်ဖို့ကြိုးစားခြင်း
_____________________
လက်ရှိမှာ နဉ်ရှုက ရှဲ့ယွီအပေါ်အပြည့်အဝအာရုံစိုက်နေ၏။ သူမက အားတဲ့အချိန်တိုင်း ရှဲ့ယွီဆီသွားကာသူ့ကိုသတ်ဖို့ကြိုးစားသည်။ သူမတို့ရဲ့အင်အားကညီမျှနေတာမို့ သူမတို့နှစ်ယောက်လုံးက သူမတို့မှာရှိတဲ့ဝှက်ဖဲတွေအားလုံးထုတ်ရင်တောင် အနိုင်ရဖို့က မသေမချာဖြစ်နေသေးသည်။
ရှဲ့ယွီမှာ နဉ်ရှုကြောင့်ရူးသွားတော့မလိုဖြစ်နေသည်။ ဒီလူက သူ့ကို ခွေးရူးတစ်ကောင်လိုလိုက်နေပြီး သူတို့တိုက်တဲ့အခါတိုင်း တိုက်ပွဲက အတော်ကြီးပြင်းထန်တယ်။ ဒီလူက သူ့ကိုသတ်ဖို့ကို အတော်လေးအလေးအနက်ဖြစ်နေတာကို သူခံစားနိုင်တယ်။
ထပ်ပြောရရင် သူဘယ်သွားသွားအလိုက်ခံနေရတာ။ သူပေါက်ကွဲမိတော့မယ်! သူ ဝေ့လျန်ယွဲ့ကိုတကယ်သတ်ချင်ပေမယ့် ဝေ့လျန်ယွဲ့က လွယ်လွယ်သတ်ဖို့ သန်မာလွန်းနေတယ်။ ဒါတင်မကသေးဘူး၊ ဝေ့လျန်ယွဲ့က အခြေအနေမကောင်းတာနဲ့ထွက်ပြေးပြီး ခဏလောက်ကြာမှ ပြန်ပေါ်လာတတ်တာ။
ရှဲ့ယွီနဲ့ထပ်ကာထပ်ကာတိုက်ပြီးနောက်မှာ သူမရဲ့အရည်အချင်းက အလျင်အမြန်တိုးတက်လာတာကို နဉ်ရှုခံစားမိလိုက်တာကြောင့် သူမက ရှဲ့ယွီကိုလိုက်သတ်ရတာကို ပိုလို့ပင်နှစ်ခြိုက်လာသည်။ ဘယ်သူသိမှာလဲ? သူမကံကောင်းပြီးရှဲ့ယွီကိုသတ်လိုက်နိုင်တယ်လေ။
နဉ်ရှုက ရှဲ့ယွီကို တကယ်သတ်ပစ်လိုက်ချင်တာဖြစ်သော်ငြား ကံမကောင်းချင်တော့ ရှဲ့ယွီဘေးမှာ သန်မာတဲ့မိန်းမတစ်ယောက်ရှိနေသည်။ ဒီနေရာက လျိုယွမ်ယွမ့်ပိုင်နက်လည်းဖြစ်တာကြောင့် နဉ်ရှုမှာ လျိုယွမ်ယွမ်က သူမကိုဇီဝိန်ချုပ်ပေးဖို့ သွေးသန့်စင်ကျောင်းတော်ကထူးချွန်တဲ့ကျင့်ကြံသူတွေအုပ်လိုက်ကြီးကိုခေါ်လိုက်မလားဆိုတာကို ပူပန်နေရသေးသည်။
အမျိုးသားဇာတ်လိုက် ရှားပါးရတနာတစ်ခုတွေ့တိုင်း နဉ်ရှုက နောက်ကနေလိုက်ကာ ရှဲ့ယွီ ရတနာရမယ့်လမ်းမှာဝင်ပိတ်တတ်သည်။ ဒီလိုလုပ်တာအတွက် သူမလည်း ပစ္စည်းကောင်းတွေအတော်များများရလေ၏။
YOU ARE READING
Unparalleld Leveling (Realm - 8) [Myanmar Translation]
Historical FictionName(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Unparalleld Leveling (Realm - 8) E-tran...
![Unparalleld Leveling (Realm - 8) [Myanmar Translation]](https://img.wattpad.com/cover/273894481-64-k59353.jpg)