Unparalleld Leveling (Realm - 8) [Myanmar Translation]

Chapter - 39

Unicode

၅၄၇။ မြွေနန်းတော်
______________

နဉ်ရှုက သူမရဲ့ဒန်တျန်းထဲကစွမ်းအင်ကို လှည့်ပတ်လိုက်ပြီး နန်းတော်ထဲပြေးဝင်မသွားခင် ကျန်နေသေးကျောက်ခြင်္သေ့ကြီးကိုပါ ကန်ချလိုက်သည်။

ကျန်လူတွေက သူမနောက်ကနေ ပျားအုပ်ကြီးလိုလိုက်လာကြ၏။

အထဲရောက်သည်နှင့် နဉ်ရှုကြောင်သွားတော့သည်။ သူမရှေ့မှာ ဝင်ပေါက်တွေအများကြီးရှိနေသည်။ ဘယ်တစ်ခုထဲဝင်ရမလဲဆိုတာ သူမ မသိ‌ပါချေ။

ဒါကိုမြင်ချိန်မှာ အားလုံးလည်းမျက်မှောင်ကုတ်လိုက်ကြသည်။ လျိုချင်းယန်က နဉ်ရှုဆီလျှောက်လာကာမေးသည်။

"ငါတို့ ဘယ်ထဲဝင်သင့်လဲ?"

"မင်းက ငါ့ကို ဘာအတွက်လာမေးနေတာတုန်း? ငါလည်းမသိဘူး၊ ကြုံတဲ့ထဲသာဝင်လိုက်။"

နဉ်ရှုသည်လည်း မျက်မှောင်ကုတ်နေ၏။ အခု ရှဲ့ယွီဘက်မှာ ဘယ်လိုအခြေအနေရှိလဲဆိုတာကို သူမ မသိဘူး။ သူက မသေမျိုးအိမ်တော်ကို သိမ်းသွင်းဖို့လုပ်နေလောက်တာက အဆိုးရွားဆုံးဖြစ်နိုင်ချေပဲ။

လမ်းကြောင်းရွေးချယ်ရာမှာကျွမ်းကျင်သူ‌အတော်များများကတော့ ဘယ်လမ်းက အကောင်းဆုံးဖြစ်မလဲဆိုတာကို စတင်တွက်ချက်နေကြသည်။

နဉ်ရှုက အလျင်လိုနေတာမို့ မျက်စိစုံမှိတ်ကာ လက်ညှိုးဆန့်လျက် ဝေ့ဝဲပစ်လိုက်၏။ ထို့နောက် သူမက မျက်လုံးပြန်ဖွင့်ကာ သူမရဲ့လက်ညှိုးညွှန်ပြနေတဲ့ဝင်ပေါက်ထဲ ဝင်ချသွားတော့သည်။

နဉ်ရှုရဲ့တဇွတ်ထိုးနိုင်တဲ့အပြုအမူကိုမြင်တဲ့အခါ ကျန်လူတွေက မယုံကြည်နိုင်ဟန်ဖြင့် ခေါင်းယမ်းလိုက်ကြသည်။ နဉ်ရှုထွက်သွားတာကိုမြင်တဲ့အခါ လျိုချင်းယန်မှာလည်း ရွေးချယ်စရာမရှိတော့ဘဲ ကြုံရာဝင်ပေါက်ထဲသာဝင်သွားလိုက်တော့သည်။ တခြားကောင်းကင်ဥပဒေဂိုဏ်းသားတွေက သူ့နောက်လိုက်သွားကြသည်။

နဉ်ရှု ဝင်သွားချိန်မှာပင် ဝိဉာဉ်သားရဲတွေအများကြီးက သူမဆီခုန်ဝင်လာ၏။ နဉ်ရှုက အဲ့ဝိဉာဉ်သားရဲတွေကို လက်သီးနဲ့ထိုးလိုက်ပြီး သူတို့က ရှေးဟောင်းစွမ်းအင်တွေအဖြစ် ချက်ချင်းပြန့်ကြဲသွားပြီးနောက်တွင် ဝိဉာဉ်သားရဲတွေရဲ့ပုံစံအဖြစ် ပြန်လည်ပေါင်းစပ်သွားကြသည်။ ဝိဉာဉ်သားရဲတွေက တစ်သုတ်ပြီးတစ်သုတ်ရောက်လာကာ အဆုံးမရှိပေ။