YOU ARE READING

Unparalleld Leveling (Realm - 8) [Myanmar Translation]

Historical Fiction

Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Unparalleld Leveling (Realm - 8) E-tran...

#counterattack #cultivation #historical #power #system #transmigration

Chapter - 51

3.6K 491 10 
                                        

                                                  
Unicode

                              
၅၅၉။ စိတ်နှစ်ခွ
______________

                              
ဒီကမ္ဘာက ပြိုကွဲကာနီးနေပြီး ဒါကို ဝေ့လျန်ယွဲ့ဆီထားခဲ့တာက ကောင်းမလားဆိုတာကိုလည်း သူမ မသိတာမို့ နဉ်ရှုက ဒီကမ္ဘာကို သိမ်းထားဖို့ ဘယ်တုန်းကမှမတွေးခဲ့ချေ။

                              
ဝေ့လျန်ယွဲ့က အမြောက်စာဇာတ်ကောင်လေး။ သူ့မှာ သဘာဝကိုလွန်ဆန်နေတဲ့ကံကောင်းမှုမျိုးမရှိလို့ သူ ကောင်းတာတစ်ခုခုရရင်တောင် နောက်ဆုံးမှာ သူများလက်ထဲပဲရောက်သွားလိမ့်မယ်။ သူမသာ ဒါကို သူ့ဆီထားခဲ့ရင် သူက မူလဇာတ်ကြောင်းတုန်းကလို တူညီတဲ့အခြေအနေနဲ့ပဲအဆုံးသတ်သွားလောက်တယ်။

                              
ဒါကိုစဉ်းစားပြီးနောက်မှာ နဉ်ရှုက ကမ္ဘာကို ကမ္ဘာတွေပျိုးထောင်တဲ့နေရာဆီပြန်ပို့ပေးဖို့ဆုံးဖြတ်လိုက်သည်။

                              
2333က နဉ်ရှုကိုမေးသည်။

                              
"မင်း သေချာရဲ့လား? အဲ့နေရာက ရောက်ဖို့တကယ်ခက်ပြီး လေဟာနယ်ဓားသွားတွေအများကြီးရှိတယ်။ မင်းက အဲ့ကို ဝိဉာဥ်ခန္ဓာနဲ့သွားရမှာ၊ မင်းဝိဉာဉ်သာ လေဟာနယ်ဓားသွားထိသွားရင် မင်းဝိဉာဉ်က ဟိုနားဒီနားပြန့်ကြဲကုန်လိမ့်မယ်။ ဒီလိုဖွတ်ကျားအရှုံးသမားကမ္ဘာအတွက် စွန့်စားရတာ တန်လို့လား? ဒါက ကမ္ဘာတွေ‌ပျိုးထောင်တဲ့နေရာကိုပြန်ရောက်သွားရင်တောင် သူ့ကိုယ်ပိုင်စည်းမျဉ်းတွေမတည်ထောင်နိုင်တာလည်းဖြစ်နိုင်တယ်။"

                              
နဉ်ရှုက နှုတ်ခမ်းကိုက်သည်။ သူမက သူများတွေထက် အသက်ကိုပိုတန်ဖိုးထားတယ်။ သူမ မသေချင်ဘူး၊ ဒါပေမယ့် သူမ သူ့ကိုအဲ့နေရာဆီပြန်ပို့ပေးမယ်လို့ ကမ္ဘာကိုပြောထားပြီးပြီ။ သူမ တကယ်ကို စိတ်နှစ်ခွဖြစ်နေ၏။

                              
သူမ အချိန်အကြာကြီးတုန့်ဆိုင်းနေပေမယ့် ဆုံးဖြတ်ချက်မချနိုင်သေးတာကြောင့် ခဏလောက်လေ့ကျင့်ဖို့ ကုတင်ပေါ်ထိုင်လိုက်သည်။ သို့သော်ငြား သူမက တကယ်ကိုစိတ်ရှုပ်နေပြီးဂနာမငြိမ်ဖြစ်နေတာမို့ ချီဖောက်ပြန်တော့မလိုဖြစ်သွားသည်။

                              
သူမက လက်သီးဆုပ်၏။ သူမမှာ သူမကိုယ်သူမတကယ်ဒေါသထွက်နေမိတာကြောင့် သူမက 2333ကိုပြောလိုက်သည်။
Unparalleld Leveling (Realm - 8) [Myanmar Translation]Stories to obsess over. Discover now