YOU ARE READING

Unparalleld Leveling (Realm - 8) [Myanmar Translation]

Historical Fiction

Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Unparalleld Leveling (Realm - 8) E-tran...

#counterattack #cultivation #historical #power #system #transmigration

Chapter - 35

3.5K 541 13 
                                        

                                                  
Unicode

                              
၅၄၃။ ဒီသခင်လေးရဲ့လက်သီးကိုမြည်းလိုက်စမ်း!
_____________________

                              
လျိုချင်းယန်က လျိုယွမ်ယွမ့်ကိုမြင်တည်းက မျက်မှောင်ကုတ်နေခဲ့တာဖြစ်သည်။

                              
"လျိုယွမ်ယွမ့်အင်အားက မြေအောက်ခန်းထဲဝင်ဖို့လောက်အထိ မမြင့်ဘူး၊ ဒါဆို သူက ဘာလို့ ဒီမှာရှိနေရတာလဲ?"

                              
နဉ်ရှုကတော့ လျိုယွမ်ယွမ် ဘယ်ကျင့်ကြံဆင့်မှာရောက်နေတယ်ဆိုတာကို စိတ်မဝင်စားချေ။

                              
"သူ့မှာ သူ့အင်အားအစစ်အမှန်ကိုဖုံးကွယ်ပေးထားတဲ့အရာတစ်ခုခုရှိတာ သေချာတယ်။"

                              
သူမက သူမရဲ့ကျင့်ကြံဆင့်ကိုဖုံးကွယ်ထားတာ သေချာပေါက်ပဲ။

                              
လျိုချင်းယန်မှာ မသေမျိုးအိမ်တော်ကို အောင်အောင်မြင်မြင်ရနိုင်မယ့်သူ့အခွင့်အရေးတွေက ပိုနည်းလာပြီဟုခံစားလိုက်ရ၏။ ဒီမှာ ကျင့်ကြံဆင့်မြင့်တဲ့လူတွေ အများကြီးပိုရှိနေလောက်တယ်။

                              
စိတ်ဓာတ်ကျချင်စရာပဲ။

                              
လူတွေက ဆက်ရောက်လာသည်။ နဉ်ရှုက ရှဲ့ယွီပေါ်လာမှာကိုဆက်စောင့်နေသောငြား နန်းတော်ရှေ့မှလူအုပ်ကြီးပိုများလာသည့်တိုင် အမျိုးသားဇာတ်လိုက်က အခုထိမရောက်သေးချေ။ သူက တစ်လောကလုံး သူ့ရဲ့ခမ်းခမ်းနားနားရောက်ရှိလာမှုကိုမြင်နိုင်အောင် နောက်ဆုံးမှရောက်လာမယ်ထင်ရဲ့။

                              
"ကျလိ ကျလိ..."

                              
ငှက်အော်သံသာ ထွက်ပေါ်လာခဲ့သည်။ လူတိုင်းမော့ကြည့်လိုက်မိကြပြီး မီးတောက်နီရောင်ငှက်တစ်ကောင်ရဲ့ကျောပေါ်မှာ လူအများကြီးရပ်နေတာကိုတွေ့လိုက်ရသည်။ ယောက်ျားလေးက ချောမောခန့်ညားပြီး မိန်းကလေးတွေက လှပသည်။ သူတို့က လူ့ပြည်ကိုဆင်းသက်လာတဲ့မသေမျိုးတွေနဲ့တူ၏။

                              
ရှဲ့ယွီက ဘေးတစ်ဖက်စီမှာ မိန်းမလှလေးတစ်ယောက်စီခြံရံလျက် ရှေ့ဆုံးမှာရပ်နေသည်။ မျက်နှာကို ဇာပဝါနဲ့ဖုံးထားတဲ့အမျိုးသမီးက ထက်မြက်သည့်အော်ရာတို့ကို သိသိသာသာပင်ထုတ်လွှတ်နေသည်။ ဒါက လူတွေက သူမရဲ့ဇာပဝါကို ဆွဲချွတ်ပြီး သူမရဲ့အထင်ကြီးလောက်စရာအလှအပကို အပြည့်အဝမြင်ချင်စိတ်ဖြစ်ပေါ်လာစေသည်။
Unparalleld Leveling (Realm - 8) [Myanmar Translation]Stories to obsess over. Discover now