Unicode
၅၄၂။ လျိုယွမ်ယွမ်
_____________
လျိုချင်းယန်ရဲ့မျက်လုံးတွေမှာ အံ့အားသင့်မှုတွေဖြတ်ပြေးသွားသည်။
"ဂိုဏ်းတူညီလေးဝေ့၊ မင်းက ဒီလောက်သန်မာတာကို ဘယ်လိုလုပ်ပြီး အသုံးမကျဘူးဆိုတဲ့သတင်းဖြစ်လာရတာတုန်း?"
"လူတွေက ငါ့မှာ ရှစ်ဟွေ့တိလို ဇနီးလောင်းမျိုးရှိတာကို မနာလိုလို့ ငါက သူနဲ့မလိုက်တဲ့အမှိုက်လို့ပြောကြတာ။"
နဉ်ရှုက အရေးမစိုက်စွာပြန်ဖြေသည်။
"ငါက အမှိုက်ပါလို့ ငါ ဘယ်တုန်းကများဝန်ခံဖူးလို့တုန်း?"
လျိုချင်းယန်ရဲ့မျက်လုံးတွေက နားလည်မှုနဲ့ပြူးကျယ်သွားခဲ့သည်။ လူအတော်များများက တချို့ကိစ္စလေးတွေကိုလက်ညှိုးထိုးပြီး ဝေ့လျန်ယွဲ့က အမှိုက်ပါလို့ စပြောလာကြပြီး သိပ်မကြာခင်မှာပဲ လူတိုင်းက ဒါကိုလက်ခံလိုက်ကြတာ။ ဝေ့လျန်ယွဲ့က တကယ်ပဲအသုံးမကျဘူးလားဆိုတာ ဘယ်သူမှမသေချာပေမယ့် ဝေ့လျန်ယွဲ့ရဲ့ကြောက်တတ်တဲ့ပုံစံအရ သူတို့က ဒါအမှန်ပဲလို့ ယူဆလိုက်ကြတယ်။
လီး။ လျိုချင်းယန်မှာ ဒီအတွေးတွေကြောင့်မူးလာရတော့သည်။ ဝေ့လျန်ယွဲ့မှာ တကယ်ကိုနက်နဲတဲ့အကြံအစည်တွေရှိနေတာပဲလို့ သူခံစားလိုက်ရသည်။ သူက အသုံးမကျဘူးဆိုတဲ့ဒီသတင်းကို တိတ်တိတ်ကလေးလက်ခံလိုက်ပြီး မိန်းမတွေနဲ့ နေ့ရှိသရွေ့ရှုပ်နေတော့တာပဲ။ သူက ဒီလိုလုပ်ပြီး ဘာကိုများကြံစည်နေတာတုန်း?
မိန်းကလေးဂိုဏ်းသားတွေက အန်စရာဘာမှမရှိတော့ကာမှ နဉ်ရှုကို ဖြူဖျော့နေသည့်မျက်နှာများဖြင့်လှည့်ကြည့်လာကြသည်။
"ဂိုဏ်းတူမောင်လေး၊ ကျေးဇူးပြုပြီး နောက်တစ်ခါကျ နင် စမတိုက်ခင် ငါတို့ကို သတိပေးပါ။"
သူတို့ရဲ့အားနည်းကျိုးပဲ့လွယ်တဲ့ဟန်ပန်တွေကိုမြင်သည်၌ နဉ်ရှုမှာ အင်မတန်မှပင်ရင်တုန်သွားရ၏။ လီး၊ အထဲမှာတော့ သူမကလည်း မိန်းမပါပဲနော်! ဒီလိုမြင်ကွင်းမျိုးကိုတွေ့ရတော့ သူမကကျ ဘာလို့ ဘာမှမခံစားရတာလဲ? သူမက ဘာလို့ လုံးဝကိုသက်တောင့်သက်သာရှိနေရတာလဲ? သူမရဲ့တွေးခေါ်ပုံတွေက ယောက်ျားတစ်ယောက်ကိုယ်ထဲအကြာကြီးနေခဲ့ရတာရဲ့သက်ရောက်တာကိုခံလိုက်ရတာဖြစ်နိုင်လား?
YOU ARE READING
Unparalleld Leveling (Realm - 8) [Myanmar Translation]
Historical FictionName(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Unparalleld Leveling (Realm - 8) E-tran...
![Unparalleld Leveling (Realm - 8) [Myanmar Translation]](https://img.wattpad.com/cover/273894481-64-k59353.jpg)