YOU ARE READING

Unparalleld Leveling (Realm - 8) [Myanmar Translation]

Historical Fiction

Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Unparalleld Leveling (Realm - 8) E-tran...

#counterattack #cultivation #historical #power #system #transmigration

Chapter - 32

3.5K 518 7 
                                        

                                                  
Unicode

                              
၅၄၀။ မြေအောက်နန်းတော်
___________________

                              
"ဩ..."

                              
နဉ်ရှုက အရမ်းအများကြီးမတုန့်ပြန်ပါချေ။ နဉ်ရှုက စိတ်ဝင်စားပုံမရတာကိုမြင်တဲ့အခါ လျိုချင်းယန် နည်းနည်းပျာသွားသည်။

                              
"မသေမျိုးအိမ်တော်ကို ဘယ်သူရမလဲဆိုတာ မင်း မသိချင်ဘူးလား?"

                              
နဉ်ရှုက စိတ်မဝင်စားစွာပြန်ဖြေသည်။

                              
"ဘယ်လိုပဲဖြစ်ဖြစ် ငါတော့မဟုတ်ဘူး။ မင်းမှာ ကျောက်စိမ်းတံဆိပ်ပြားရှိလို့လား?"

                              
"ဂိုဏ်းတူညီလေးက နောက်နေတာပဲ။ ငါက ဘယ်လိုလုပ်ပြီး ကျောက်စိမ်းတံဆိပ်ပြားရနိုင်မှာလဲ? ငါက နန်းတော်ကို တစ်ချက်လောက်ကြည့်ချင်ရုံပါပဲ။"

                              
လျိုချင်းယန်က ပွင့်ပွင့်လင်းလင်းပြန်ဖြေသည်။ သူက တစ်ချက်လောက်ကြည့်ချင်ရုံပါပဲလို့ပြောခဲ့ပေမယ့် လိုချင်စိတ်တွေကတော့ သူ့စိတ်ထဲဗလောင်ဆူနေသည်။ ဒီလိုအခွင့်အရေးမျိုးကြီးရဲ့ဆွဲဆောင်မှုကို မည်သူမဆို ခုခံနိုင်ဖို့ခက်လှသည်လေ။

                              
လျိုချင်းယန်ကြည့်ချင်တဲ့နန်းတော်က ရောက်ဖို့အင်မတန်ခက်ခဲသည်။ နန်းတော်က မြေအောက်ခန်းရဲ့ဗဟိုနားလောက်မှာရှိပြီး ဗဟိုနဲ့နီး‌လေ ပိုသန်မာတဲ့ဝိဉာဉ်သားရဲတွေရှိလေဖြစ်ပေ၏။ တစ်ချိန်တည်းမှာပင် အဲ့မှာ တန်ဖိုးကြီးတဲ့သဘာဝရတနာအများအပြားလည်းရှိမည်ဖြစ်သည်။

                              
ဒါပေါ့၊ မသေမျိုးအိမ်တော်က အဓိကဆွဲဆောင်မှုဖြစ်သည်ပေါ့။

                              
နဉ်ရှုကား လျိုချင်းယန်ရဲ့ရည်ရွယ်ချက်တွေကို အလွယ်တကူပင်ဖတ်လိုက်နိုင်သည်။

                              
"လူတိုင်းက မသေမျိုးအိမ်တော်အကြောင်းသိနေမှတော့ မင်း အဲ့ဒါကိုလုနိုင်မယ်လို့ ဘယ်လိုလုပ်ပြီး အရမ်းတွေသေချာနေရတာလဲ? ပြီးတော့ ကျောက်စိမ်းတံဆိပ်ပြားသုံးခုကို အတူတူတောင်ယူမလာကြသေးဘူး။"

                              
သူမတို့သာ အခုပြေး‌သွားရင် တကယ်ပဲ ကြည့်ဖို့ဖြစ်နေမှာ။ သူမတို့တွေ တံခါးကိုတောင်ဖြတ်နိုင်ကြမှာမဟုတ်ဘူး။

                              
"ဒီနှစ်မှာ ကျောက်စိမ်းတံဆိပ်ပြားသုံးခုလုံး တကယ်ရှိနေတယ် ဂိုဏ်းတူညီလေးရ။ ပြီးတော့ မြေအောက်ခန်းက ဝင်တဲ့လူတွေရဲ့ကျင့်ကြံဆင့်ကို ကန့်သတ်ထားတယ်။ ဒါကြောင့် ဒီမှာရှိနေတဲ့ဂိုဏ်းသားတွေရဲ့ကျင့်ကြံဆင့်က အရမ်းမမြင့်ဘူး။ ဒီအခွင့်အရေးအတွက် အတူတူယှဉ်ပြိုင်ကြရအောင်လေ ဂိုဏ်းတူညီလေး။"
Unparalleld Leveling (Realm - 8) [Myanmar Translation]Stories to obsess over. Discover now