KAMU SEDANG MEMBACA

Unparalleld Leveling (Realm - 8) [Myanmar Translation]

Fiksi Sejarah

Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Unparalleld Leveling (Realm - 8) E-tran...

#counterattack #cultivation #historical #power #system #transmigration

Chapter - 37

3.5K 531 12 
                                        

                                                  
Unicode

                              
၅၄၅။ စပြီးကလူ
_____________

                              
ရှဲ့ယွီမှာ ဝေ့လျန်ယွဲ့ကို အရင်ကထက်ပင်ပိုမုန်းလာရသည်။ အတိတ်တုန်းက ဝေ့လျန်ယွဲ့က အားနည်းတဲ့ငကြောက်တစ်ယောက်သာဖြစ်ပေမယ့် အခု ဝေ့လျန်ယွဲ့က ပိုသန်မာလာပြီ။ ရှစ်ဟွေ့တိရဲ့နှလုံးသားက လှုပ်ရှားသွားပြီး သူမက သူမရဲ့ရွေးချယ်မှုကို နောင်တရမှာ ရှဲ့ယွီစိုးရိမ်လာသည်။

                              
ရှစ်ဟွေ့တိက အင်မတန်အေးစက်ပြီးဂရုမစိုက်တတ်တဲ့မိန်းမဆိုတာ ရှဲ့ယွီသိသည်။ သည်လိုမိန်းမမျိုးက ယောက်ျားတွေကို အတော်လေးဆွဲဆောင်နိုင်တာမို့ ရှဲ့ယွီက သူမကို အများကြီးသဘောကျသည်။

                              
ရှဲ့ယွီမှာ ရှစ်ဟွေ့တိက ဝေ့လျန်ယွဲ့နဲ့အတူရှိချင်သွားလောက်မယ့်အလားအလာကို သည်းမခံနိုင်ပါချေ။ သူတို့ကြိုက်တဲ့မိန်းမက တခြားယောက်ျားရဲ့ခန္ဓာကိုယ်အောက် ပျော်မြူးနေတာကို ဘယ်ယောက်ျားမှာလက်ခံနိုင်မှာမဟုတ်ဘူး။

                              
ရှစ်ဟွေ့တိက ဝေ့လျန်ယွဲ့နဲ့ သံယောဇဉ်အားလုံးဖြတ်တောက်ပစ်တာကို သူ သေချာအောင်လုပ်ရမယ်။ သူ ဝေ့လျန်ယွဲ့ကိုသတ်နိုင်ရင်တော့ အကောင်းဆုံးပဲ။

                              
"နင်တို့တွေဘာလိုချင်တယ်ဆိုတာ ငါဂရုမစိုက်ဘူး။"

                              
ဘေးကနေကြည့်နေခဲ့တဲ့လျိုယွမ်ယွမ်က ကျက်သရေရှိစွာလျှောက်လှမ်းလာသည်။ သူမ ဖြတ်သွားချိန်မှာ ဆွဲဆောင်မှုရှိလှတဲ့မွှေးရနံ့က လေထုထဲဝေ့ဝဲလာ၏။

                              
လျိုယွမ်ယွမ်က ရှဲ့ယွီဆီ ဖြည်းဖြည်းချင်းလျှောက်သွားပြီး သူမရဲ့ကျောက်စိမ်းလိုလက်ချောင်းကလေးတွေကိုဖြန့်လိုက်သည်။ သူမရဲ့လက်သည်းတွေကို အနီတောက်တောက်ဆိုးထားတာမို့ ဆန့်ကျင်ဘက်အနေဖြင့် သူမရဲ့အရေပြားကို ထိုးဖောက်လို့ရနိုင်သလိုထင်ရသည်အထိ အင်မတန်ဖြူဖျော့သွားစေသည်။ သူမက ရှဲ့ယွီကို လက်ညှိုးထိုးကာဆိုသည်။

                              
"နင့်မှာ ကျောက်စိမ်းတံဆိပ်ပြားတစ်ခုရှိတယ်လို့ ငါ ခံစားရတယ်။ ထုတ်လိုက်။ နန်းတော်ထဲဝင်တာက ပိုအရေးကြီးတယ်။ ဘာမှတိုက်ခိုက်စရာမရှိတာကို အခု တိုက်ခိုက်နေတာက ဘာအသုံးဝင်လို့လဲ?"
Unparalleld Leveling (Realm - 8) [Myanmar Translation]Cerita yang bikin terobses. Temukan sekarang