ESTÁS LEYENDO

Unparalleld Leveling (Realm - 8) [Myanmar Translation]

Ficción Histórica

Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Unparalleld Leveling (Realm - 8) E-tran...

#counterattack #cultivation #historical #power #system #transmigration

Chapter - 50

3.4K 531 9 
                                        

                                                  
Unicode

                              
၅၅၈။ လက်ဆောင်ပါတယ်
______________

                              
ကောင်းကင်ဥပဒေဂိုဏ်းရဲ့လူစုတဲ့ရင်ပြင်မှာ လူတွေအများကြီးရှိနေသည်။ ဝေ့မင်က သူမကိုစောင့်နေတာကိုမြင်တဲ့အခါ နဉ်ရှုက ချက်ချင်းပြေးသွားပြီးခေါ်လိုက်သည်။

                              
"အဖေ။"

                              
ဝေ့မင်ရဲ့မျက်လုံးတွေက အနည်းငယ်နီရဲနေ၏။

                              
"မင်းပြန်လာတာကောင်းတယ်။ မင်း မြေအောက်ခန်းထဲမှာသေသွားမယ်လို့ ငါထင်နေတာ။ ဒီတစ်ခေါက် ဂိုဏ်းသားနှစ်ယောက်သေတယ်လို့ ငါ အခုလေးတင်ကြားလာလို့ မင်း တစ်ခုခုဖြစ်ပြီထင်နေတာ။"

                              
"ကျွန်တော် အဆင်ပြေပါတယ် အဖေရ။ အားလုံးက အဖေ ကျွန်တော့်ကို လေလျှပ်စီးလင်းယုန်ပေးလိုက်တဲ့ကျေးဇူးကြောင့်ပဲ။"

                              
နဉ်ရှုက စကားပြောရင်းဖြင့် သူမအခန်းဆီဦးတည်သည်။

                              
"အဖေ့၊ သီးခြားအစီအရင်ဘယ်လိုတည်ရမယ်ဆိုတာ အဖေသိလား? ကျွန်တော့်မှာ အဖေ့ကိုပေးစရာ ပစ္စည်းကောင်းရှိတယ်။"

                              
နဉ်ရှုက တံခါးကိုပိတ်ပြီးနောက်ဆိုသည်။

                              
ဝေ့မင်က အရေးမစိုက်စွာလက်ခါ၏။

                              
"အဖေက ရပါတယ်။ မင်း အဲ့ဒါကို မင်းအတွက်ပဲသိမ်းထားသင့်တယ်။"

                              
"အဲ့ဒါက တကယ်ကောင်းတဲ့ဟာဗျ။"

                              
'မင်းမှာ ဘာပေါက်ကရတွေရှိရှိ ဒီအဖေစိတ်မဝင်စားဘူး'ဆိုတဲ့ ဝေ့မင်ရဲ့အမူအရာကိုမြင်တဲ့အခါ နဉ်ရှုက သူမရဲ့သိုလှောင်အိတ်ထဲက သေတ္တာကိုထုတ်သည်။

                              
သူ့သားက အတည်ပေါက်ကြီးဖြစ်နေတာကိုမြင်တဲ့အခါ ဝေ့မင်က လက်တစ်ဖက်ယမ်းကာ အစီအရင်လုပ်လိုက်ပြီးမှဆို၏။

                              
"ကောင်းပြီလေ၊ မင်း ဘာကိုဆိုလိုတာလဲဆိုတာ ငါကြည့်ပါဦးမယ်။"

                              
ထို့နောက် သူက ရွှတ်နောက်နောက်ဆိုသည်။

                              
"ဒါက မင်း ငါ့ကို တစ်ခုခုပေးချင်တဲ့ပထမဆုံးအကြိမ်ပဲ။"

                              
နဉ်ရှုက သေတ္တာကိုဖွင့်လိုက်သည်။ သေတ္တာထဲမှာ ရှုပ်ထွေးတဲ့အလင်းတွေနဲ့တောက်ပနေတဲ့ နှင်းလိုဖြူဖွေးတဲ့အသီးတစ်လုံးရှိနေသည်။ ပထမတော့ သူ့ရဲ့မျှော်လင့်ချက်မရှိတဲ့သားက ကောင်းမွန်တာထုတ်ပေးနိုင်မှာမဟုတ်ဘူးဆိုတာသိတာမို့ ဝေ့မင်က စိတ်မဝင်စားပေ။
Unparalleld Leveling (Realm - 8) [Myanmar Translation]Historias para obsesionarse. Descúbrelo ahora