Unicode
၅၇၀။ ကျိုင်းကောင်နဲ့တူတဲ့တည်ရှိမှု
__________________
နဉ်ရှုက စားစရာတချို့မှာလိုက်ပြီး စားရင်းနဲ့ အနီးနားကစကားဝိုင်းတွေကိုနားထောင်နေသည်။ ဒီအရေထူတဲ့ကျင့်ကြံသူတွေအားလုံးက မိန်းမအကြောင်းတွေ၊ ရတနာအကြောင်းတွေပဲဆွေးနွေးနေကြကာ ဘယ်သူကမှရှဲ့ယွီအကြောင်းမပြောပေ။
ဒီလောကကြီးက ကြီးလွန်းတာကို သူမ သူ့ကို ဘယ်လိုရှာရပါ့?
ဒီအချိန်မှာပဲ အနီးနားစားပွဲမှာထိုင်နေတဲ့လူတစ်ယောက်က တီးတိုးပြောလာ၏။
"သက်တန့်ဂိုဏ်းကသစ္စာဖောက်ရှဲ့ယွီအကြောင်း မင်းတို့သိကြလား? သူ့မှာ မသေမျိုးအိမ်တော်ရှိတယ်ကွ! လုံးဝသဘာဝကိုဖီဆန်နေတဲ့ရတနာပဲ! ဒါကြောင့် သက်တန့်ဂိုဏ်းက သူ့ကိုလိုက်ရှာပြီးသတ်ဖို့လူတွေလွှတ်ထားတယ်!"
"ဒီသတင်းက အရင်တုန်းကသတင်းကြီးမဟုတ်လား? သိပ်မကြာခင်တုန်းက ရှဲ့ယွီက ကျောက်စိမ်းနွယ်တောင်ကြားမှာပေါ်လာပြီး အဲ့မှာရှိတဲ့နတ်ဘုရားသားရဲတစ်ကောင်ကို အနိုင်ယူလိုက်တယ်လို့ ငါကြားတယ်။"
"ငါသိတယ်၊ ငါလည်း အဲ့အကြောင်းကြားတယ်ကွ! ရှဲ့ယွီက အံ့ဩဖို့ကောင်းလွန်းတဲ့နတ်ဘုရားအဆင့်လက်နက်တစ်ခုရသွားတယ်လို့တောင် ငါကြားလိုက်တယ်!"
နောက်လူတစ်ယောက်က သူ့မှာရှိတဲ့သတင်းကို အလျင်စလိုပြောပြလာသည်။
နဉ်ရှု : →_→
ရှဲ့ယွီက ကျိုင်းကောင်လိုတည်ရှိမှုမျိုးလို့ခံစားရတယ်။ သူ နေရာတစ်ခုကိုဖြတ်သွားလိုက်တာနဲ့ သူက ပစ္စည်းကောင်းတွေအကုန်ရသွားပြီး အဲ့နေရာက ဗလာဖြစ်ကျန်ခဲ့ရော။
နဉ်ရှုက သူတို့ဆီလျှောက်သွားကာမေးလိုက်သည်။
"အစ်ကိုတို့၊ အခု ရှဲ့ယွီဘယ်မှာလဲဆိုတာ အစ်ကိုတို့သိလားဗျ?"
သူတို့လေးယောက်က နဉ်ရှုကို သတိအပြည့်နဲ့ကြည့်လာသည်။ နဉ်ရှုက အတော်လေးစုတ်ပြတ်နေတဲ့လျှော်ထည်အဝတ်တွေဝတ်ထားတာကို သူတို့မြင်တဲ့အခါ သူတို့ထဲကတစ်ယောက်က အေးစက်စွာဆိုသည်။
YOU ARE READING
Unparalleld Leveling (Realm - 8) [Myanmar Translation]
Historical FictionName(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Unparalleld Leveling (Realm - 8) E-tran...
![Unparalleld Leveling (Realm - 8) [Myanmar Translation]](https://img.wattpad.com/cover/273894481-64-k59353.jpg)