ČTEŠ

Unparalleld Leveling (Realm - 8) [Myanmar Translation]

Historická literatura

Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Unparalleld Leveling (Realm - 8) E-tran...

#counterattack #cultivation #historical #power #system #transmigration

Chapter - 54

3.4K 508 6 
                                        

                                                  
Unicode

                              
၅၆၂။ မထင်ထားလောက်အောင်အားကောင်းတဲ့သိုင်းပညာ
___________________

                              
သူမရဲ့ဒန်တျန်းထဲမှာရှိတဲ့ရွှေနဂါးက တကယ့်နဂါးလို ကူးခတ်သွားလာနေ၏။ ခဏကြာပြီးနောက်မှာ သူမက လက်သည်းခွံလောက်ရှိတဲ့စိတ်ဝိဉာဉ်အဆီအနှစ်ကျောက်တစ်တုံးကိုထုတ်ကာ မြိုချလိုက်သည်။ ချက်ချင်းဆိုသလိုပင် စိတ်ဝိဉာဉ်စွမ်းအင်တွေက တဟုန်ထိုးတိုးလာပြီး သူမရဲ့ဒန်တျန်းကို ဖောက်ထွက်သွားတော့မယ့်အလား အထဲတိုးဝင်သွားသည်။

                              
သူမရဲ့ဒန်တျန်းထဲမှာကူးခတ်နေတဲ့ရွှေနဂါးက စိတ်ဝိဉာဉ်စွမ်းအင်တွေကို စိတ်လှုပ်ရှားစွာစုပ်ယူ၏။ စွမ်းအင်တွေအားလုံးကိုစုပ်ယူပြီးသည်နှင့် နဂါးကပေါက်ကွဲသွားသည်။

                              
နဉ်ရှုကြောင်သွားရသည်။ နဂါးက ဘာလို့ ရုတ်တရက်ကြီး‌ပေါက်ကွဲသွားတာတုန်း? စိတ်ဝိဉာဉ်စွမ်းအင်တွေကြောင့် သူ့ဗိုက်ပေါက်သွားတာလား?

                              
ရွှေနဂါးပေါက်ကွဲသွားပေမယ့် နဉ်ရှုကတော့ ဒဏ်ရာမရပါချေ။ ပေါက်ကွဲမှုနဲ့အတူလွင့်စင်လာတဲ့အလင်းမှုန်လေးတွေက သူမရဲ့ဒန်တျန်းထဲကနေထွက်လာပြီး သူမရဲ့ခန္ဓာကိုယ်နေရာအနှံ့ဆီပြေးဝင်သွား၏။ သူမရဲ့ဆဲလ်တွေက ဒီစွမ်းအင်ကိုဝါးမြိုနေတာ သူမခံစားလို့ရနေသည်။

                              
သူမက လက်သီးဆုပ်လိုက်ပြီး သူမရဲ့ခွန်အားက ထပ်တိုးလာပုံရတာကိုသိလိုက်ရ၏။ သူမက စားပွဲကို အသာအယာထိုးကြည့်လိုက်ပြီး စားပွဲတောင့်ခိုင်ခိုင်က လက်သီးချက်အောက်မှာ ချက်ချင်းပြိုကျသွားတော့သည်။

                              
သူမတစ်ကိုယ်လုံးက အင်အားတွေနဲ့ပြည့်နေသည်။ နောက်ဆုံးမှာတော့ ဒီအဆင့်နိမ့်သလိုထင်ရတဲ့သိုင်းကျမ်းက သင့်တော်တဲ့ကျင့်ကြံခြင်းကမ္ဘာကိုရောက်လာတာမို့ သူရဲ့ထူးကဲတဲ့အင်အားကိုထုတ်ပြလာသည်။

                              
နဉ်ရှုက ဒီသိုင်းကျမ်းကို ဘယ်တုန်းကမှသိပ်ပြီးအာရုံမစိုက်ခဲ့ချေ။ သူမ ဒါကိုပထမဆုံးတွေ့တဲ့အချိန်တုန်းက ဒါကိုလဲလှယ်တဲ့အတွက် အမှတ်တစ်ရာသာရတာမို့ ဒါက အတော်လေးတန်ဖိုးမရှိဘူးလို့ သူမတွေးခဲ့မိသည်။ သူမ ဒါကိုဆက်လေ့ကျင့်နေပေမယ့် ဒါက ဒီလောက်အင်အားကြီးလိမ့်မယ်လို့ ဘယ်တုန်းကမှမထင်ထားခဲ့ပေ။
Unparalleld Leveling (Realm - 8) [Myanmar Translation]Příběhy, které tě pohltí. Začni objevovat