ESTÁS LEYENDO

Unparalleld Leveling (Realm - 8) [Myanmar Translation]

Ficción Histórica

Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Unparalleld Leveling (Realm - 8) E-tran...

#counterattack #cultivation #historical #power #system #transmigration

Chapter - 64

3.4K 482 27 
                                        

                                                  
Unicode

                              
၅၇၂။ ရန်ကျောင်း
_________________

                              
ရန်ကျောင်းရဲ့မျက်နှာက ဖြူဖျော့နေတာတောင် သူမက ရှဲ့ယွီအတွက်ရှင်းပြပေးဖို့ကြိုးစားရှာသည်။ သူမက သူမကိုယ်သူမပါအယုံသွင်းဖို့ကြိုးစားနေပုံရ၏။

                              
"ဂိုဏ်းတူအစ်ကိုရှဲ့က လူကောင်းမို့ သူ့ကိုကြိုက်တဲ့မိန်းမတွေအများကြီးရှိတာပုံမှန်ပါပဲ။ ဂိုဏ်းတူအစ်ကိုရှဲ့က ငါ့ကိုလည်းတကယ်ကောင်းကောင်းဆက်ဆံတယ်။ သူက ငါ့ကို သူ့ရဲ့ကျင့်ကြံခြင်းရင်းမြစ်တွေအားလုံးပေးတာ။"

                              
"သူက မင်းကိုကောင်းကောင်းဆက်ဆံရင် မင်းက ဘာကိစ္စငိုနေတာတုန်း?"

                              
ဒီကောင်မလေးက တကယ်ခေါင်းမာတာပဲလို့ နဉ်ရှုတွေးလိုက်မိသည်။ ဒီကောင်မလေးသာ သူမကလေးဖြစ်နေရင် သူမ ရန်ကျောင်းကို အသေရိုက်ပစ်မှာ။

                              
"နှာဘူးကောင်၊ သက်တန့်ဂိုဏ်းဘယ်လိုနေလဲ?"

                              
ရန်ကျောင်းကမေးသည်။

                              
နဉ်ရှုကမျက်လုံးလှန်၏။ 

                              
"မင့်အဖေက လူရယ်စရာဖြစ်သွားတယ်။ သူ့သမီးက ဂိုဏ်းကိုသစ္စာဖောက်သွားတဲ့ဂိုဏ်းသားနဲ့ တကယ်ကြီးထွက်ပြေးသွားတာကိုး။ ကောင်းကင်ဥပဒေဂိုဏ်းနဲ့သက်တန့်ဂိုဏ်းရဲ့ပူးပေါင်းမှုမှာ ပြဿနာတွေဖြစ်လာလို့ မင်းအဖေက မင့်ဂိုဏ်းတူအစ်မကိုထပ်ခေါ်လာပြီး သူ့ကို ငါနဲ့လက်ထပ်ပေးချင်နေတယ်။"

                              
အစောတုန်းက ရန်ကျောင်းက သူမရဲ့မျက်ရည်တွေကို ထိန်းထားနိုင်သေးသော်လည်း ဒါကိုကြားပြီးနောက်မှာ အော်ငိုတော့သည်။ သူမရဲ့ငိုသံက တကယ်ကိုကျယ်တာမို့ လူတွေအများကြီးကို အလျင်အမြန်ဆွဲဆောင်လိုက်သည်။

                              
"မင်းက ဘာကိစ္စငိုနေတာတုန်း? လုပ်ပြီးမှတော့ တခြားလူတွေကို မင့်အရှုပ်တွေခေါင်းခံဖို့ထားခဲ့တာရဲ့အကျိုးဆက်ကို မင်းခံရမှာပဲ။"

                              
ဒီကောင်မလေးက သူမ‌ဘာပြောရမှန်း‌တောင်မသိတော့တဲ့အထိကို ဉာဏ်မဲ့လွန်းတယ်။

                              
ရန်ကျာင်းက ငယ်သေးပြီး အချစ်က တခြားအရာတွေထက်အရေးကြီးတယ်လို့တွေးလို့ဖြစ်လောက်တယ်။ အချစ်ရှိနေသရွေ့ လောကကြီးက နွေးထွေးမှုတွေနဲ့ပြည့်နေမှာ။
Unparalleld Leveling (Realm - 8) [Myanmar Translation]Historias para obsesionarse. Descúbrelo ahora