ESTÁS LEYENDO

Unparalleld Leveling (Realm - 8) [Myanmar Translation]

Ficción histórica

Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Unparalleld Leveling (Realm - 8) E-tran...

#counterattack #cultivation #historical #power #system #transmigration

Chapter - 29

3K 513 5 
                                        

                                                  
Unicode

                              
၅၃၇။ သေချာတာပေါ့၊ ငါတို့အားလုံးက ကောင်းကင်ဥပဒေဂိုဏ်းသားတွေပဲလေ!
____________________

                              
နဉ်ရှုက သန်မာတာကြောင့် သူတို့တွေက သူမကို သူတို့အဖွဲ့ထဲဝင်စေချင်ကြတာဖြစ်သည်။ သို့သော်ငြား သူတို့မှာ ဒီအမှိုက်က တကယ်ကြီးဒီလောက်ထိသန်မာတယ်ဆိုတဲ့အချက်ကို လက်မခံနိုင်ကြသေးချေ။

                              
ထိုစဉ်တွင် နဉ်ရှုသည်တော့ သူတို့နဲ့ခရီးဆန့်ချင်စိတ်ရှိမနေပေ။ သူမတို့တွေက တစ်ဂိုဏ်းတည်းကဖြစ်ပေမယ့် ဒီလူတွေက သူမကို အပြင်လူတစ်ယောက်လိုရှုမြင်နေကြသေးပြီး သူမကို သိသာလွန်းတဲ့လောဘမျက်လုံးတွေနဲ့ ကြည့်နေကြတာ။

                              
ဝေ့လျန်ယွဲ့ရဲ့ကိုယ်ပေါ်မှာ ရတနာတစ်ခုခုရှိနေရမယ်ဆိုတာ လျိုချင်းယန် သေချာနေသည်။ အဆုံးသတ်တော့လည်း သူ့အဖေက ကောင်းကင်ဥပဒေဂိုဏ်းရဲ့အကြီးအကဲတစ်ယောက်ဖြစ်ပြီး ရတနာတွေအများကြီးရှိတယ်လေ။ သူ့ရဲ့အသုံးမကျတဲ့သားကို မြေအောက်ခန်းထဲဝင်ခိုင်းရဲတဲ့အချက်က သူ ဝှက်ဖဲတချို့ကို သေချာပေါက်ပြင်ဆင်ထားလို့ပဲ။

                              
လျိုချင်းယန်က စိတ်ရင်းမှန်တဲ့လေသံနဲ့ပြောနေတာတောင် သူ့မျက်လုံးတွေကတော့ ဖုံးကွယ်ထားတဲ့ရည်ရွယ်ချက်တွေနဲ့ တလက်လက်ဖြစ်နေလေ၏။

                              
"ဂိုဏ်းတူညီလေးဝေ့၊ မင်းဘာသာမင်းရှာနိုင်တဲ့စိတ်ဝိဉာဉ်ဆေးပင်တွေနဲ့ စိတ်ဝိဉာဉ်အသီးတွေက အကန့်အသတ်ရှိတယ်။ ငါတို့သာ အတူတူသွားရင် ပိုပြီးအကျိုးများမယ့်အပြင် အကျိုးအမြတ်တွေကို ခွဲဝေလို့ရသေးတယ်ကွ။"

                              
နဉ်ရှုက ညင်သာစွာပင်မေးလာသည်။

                              
"အညီအမျှခွဲလို့မရရင်ရော?"

                              
လျိုချင်းယန် စကားရပ်သွားမိသည်။ ဒါက တကယ်ဖြေဖို့မလွယ်ဘူး။ ဥပမာ - စိတ်ဝိဉာဉ်အသီးတစ်လုံးကို သူတို့ ဘယ်လိုခွဲဝေကြမလဲ? သူတို့က အသီးကို ခွဲစိတ်ပြီး တစ်ယောက်တစ်စိတ်ပေးရမှာလား? ဒါက ရယ်ဖို့ကောင်းပြီးတော့ စိတ်ဝိဉာဉ်အသီးကို ဖျက်ဆီးတာပဲ။

                              
နဉ်ရှုက လေလျှပ်စီးလင်းယုန်ပေါ်ခုန်တက်ကာ ထွက်သွားရန်ပြင်သည်။
Unparalleld Leveling (Realm - 8) [Myanmar Translation]Donde viven las historias. Descúbrelo ahora