YOU ARE READING

Unparalleld Leveling (Realm - 8) [Myanmar Translation]

Historical Fiction

Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Unparalleld Leveling (Realm - 8) E-tran...

#counterattack #cultivation #historical #power #system #transmigration

Chpater - 53

3.4K 507 41 
                                        

                                                  
Unicode

                              
၅၆၁။ သူမ ဘာမြင်လိုက်တာလဲ!?
_____________________

                              
အခုတော့ သူမ ကမ္ဘာကို ဒီနေရာပို့ပေးပြီးပြီမို့ နောက်ဆုံးမှာ နဉ်ရှု စိတ်ပေါ့ပါးသွားသည်။ ဒီနေရာက ရုပ်လွန်စွမ်းအင်တွေနဲ့ပြည့်နေတာကို သတိထားမိတဲ့အခါ သူမက ပြိုင်ဘက်ကင်းသိုင်းပညာကိုလေ့ကျင့်ဖို့ ထိုင်ချလိုက်သည်။ ရုပ်လွန်စွမ်းအင်တွေကိုစုပ်ယူနေရင်း သူမရဲ့ဝိဉာဉ်က ပိုသန်မာလာ၏။

                              
"အင်း၊ တော်လောက်ပြီ။ ငါတို့ပြန်သွားသင့်ပြီ။"

                              
နဉ်ရှုက ကျင့်ကြံတာကိုစွဲလမ်းနေသလိုမျိုးလေ့ကျင့်နေတာကိုမြင်တဲ့အခါ 2333က သတိပေးလာသည်။

                              
နဉ်ရှုက ရုတ်တရက်တစ်ခုခုကိုသတိရသွားပြီး မေးလိုက်သည်။

                              
"အဲ့ကမ္ဘာမှာ ရေမှော်လိုမျိုး သက်ရှိတွေအများကြီးရှိနေသေးတယ်။ သူတို့ ဘာဖြစ်သွားမှာလဲ?"

                              
"ကမ္ဘာက သူ့ကိုယ်ပိုင်စည်းမျဉ်းတွေကို ဖြည်းဖြည်းချင်းတည်ဆောက်ပြီး အဲ့ကမ္ဘာမှာရှိတဲ့သက်ရှိတွေက အဲ့စည်းမျဉ်းတွေနဲ့ တဖြည်းဖြည်းနေသားကျသွားကြမှာ။ နဉ်ရှု၊ မင်းက ကိစ္စအတော်များများမှာ တကယ်ဝင်ပါတတ်တာပဲ။ မင်း မပင်ပန်းဘူးလား?"

                              
2333ရဲ့အသံက အထင်သေးမှုတွေနဲ့ပြည့်နေသည်။

                              
နဉ်ရှုကမျက်မှောင်ကုတ်၏။

                              
"ငါက မေးရုံမေးတဲ့ဟာ။ မေးလို့အသားပဲ့ပါသွားမှာလည်းမဟုတ်ဘူး။"

                              
နဉ်ရှုက ထရပ်ကာထွက်သွားဖို့လုပ်လိုက်သော်ငြား သူမ ထွက်သွားတော့မယ့်အချိန်မှာပင် မလှမ်းမကမ်းမှာ လူတစ်ယောက်ရှိနေတာကို သူမ သတိထားလိုက်မိသည်။ အဲ့လူက အတော်လေးအရပ်ရှည်ပြီး အနက်ရောင်လေကာအင်္ကျီကိုဝတ်ဆင်ထားရင်း ပြန်တမ်းပင်လယ်အထက်ရှိလေထုထဲမှာ လမ်းလျှောက်သွားသည်။ ခဏလေးအတွင်းမှာပင် သူပျောက်ကွယ်သွား၏။

                              
ကျောင်း...ကျောင်းဆရာဝန်အန်ကယ်?

                              
အခု သူမ ဘယ်သူ့ကိုမြင်လိုက်တာလဲ? ကျောင်းဆရာဝန်အန်ကယ်လား?

                              
နဉ်ရှုကခေါင်းခါသည်။ ဒါဘယ်လိုလုပ်ဖြစ်နိုင်မှာလဲ? ကျောင်းဆရာဝန်အန်ကယ်က ဘယ်လိုလုပ်ပြီး ဒီမှာပေါ်လာနိုင်မှာလဲ? ဒါပေမယ့် စောစောက တကယ်ကြီးကျောင်းဆရာဝန်အန်ကယ်ရော။ နဉ်ရှုက ကျောင်းဆရာဝန်အန်ကယ်နဲ့ နှစ်ခါဆုံပြီးပြီဖြစ်ပြီး သူမဇွန်ဘီဖြစ်နေတုန်းက သူနဲ့အချိန်အတော်ကြာအောင်နေခဲ့ရတာမို့ သူ့ကို တစ်ချက်ကြည့်ရုံနဲ့မှတ်မိနိုင်သည်။
Unparalleld Leveling (Realm - 8) [Myanmar Translation]Stories to obsess over. Discover now