Unicode
၅၅၆။ မသေမျိုးအိမ်တော်ကိုပိုင်ဆိုင်ခြင်း
______________________
နဉ်ရှုမှာ မသေမျိုးအိမ်တော်နဲ့ဆက်နွယ်မှုကို ချက်ချင်းခံစားလိုက်ရပြီး မသေမျိုးအိမ်တော်က သူမကိုရွေးချယ်လိုက်တယ်ဆိုတာသိလိုက်သည်။ ရှဲ့ယွီရဲ့မျက်နှာအရောင်က အကြီးအကျယ်ပြောင်းလဲသွား၏။ အစောတုန်းက သူ မသေမျိုးအိမ်တော်နဲ့ဆက်နွယ်မှုနည်းနည်းကို ခံစားနေရပြီဖြစ်ပေမယ့် အခုတော့ သူ ဘာမှမခံစားရတော့ဘူး။ ဗဟိုချက်က သူ့ကိုတောင်စပြီးငြင်းဆန်လာပြီ။
ရှဲ့ယွီမှာ နဉ်ရှုကို အလိုလိုလှမ်းကြည့်လိုက်မိပြီး အခုအချိန်မှာ သူ့ရန်သူက ဆေးလုံးတွေကို သူ့ပါးစပ်ထဲ ကပျာကယာထည့်နေတာကိုတွေ့လိုက်ရသည်။ ရှဲ့ယွီက နဉ်ရှုကို သေသေချာချာကြည့်နေရင်း သူ့မျက်ခုံးတွေတွန့်ကုပ်လို့သွားသည်။ နဉ်ရှုက ဆေးလုံးတွေကိုဝါးရင်း မျက်လုံးလှန်၏။
"မင်းက ဘာကြည့်နေတာတုန်း? အရင်က သူများတွေ ဆေးလုံးစားတာကို တစ်ခါမှမမြင်ဖူးဘူးလား?"
ရုတ်တရက် ပတ်ဝန်းကျင်က မှောင်မည်းသွားကာ လူတိုင်း သတိမေ့ကုန်ကြသည်။
သူတို့ ပြန်နိုးလာချိန်မှာ သူတို့တွေက တောင်ကြားတစ်ခုမှာရောက်နေပြီး မသေမျိုးအိမ်တော်မှာမဟုတ်တော့ဘူးဆိုတာ သူတို့သိလိုက်ကြရသည်။
လျိုယွမ်ယွမ်က ရှဲ့ယွီကိုမေးသည်။
"နင် မသေမျိုးအိမ်တော်ကို ရခဲ့လား?"
ရှဲ့ယွီရဲ့မျက်နှာက ဖြူစုတ်သွားသည်။ သူ မရခဲ့ဘူးလို့ဖြေတော့မယ်အလုပ်မှာပဲ အားအပြည့်နဲ့အသံတိုးတိုးတစ်သံက တောင်ကြားထဲပဲ့တင်ထပ်သွားသည်။
"ရှဲ့ယွီ၊ မင်း မသေမျိုးအိမ်တော်ကိုရလိုက်တာ ဒီဖေဖေကြီးသိတယ်ကွ! မသေမျိုးအိမ်တော်ကို လွှဲပေးလိုက်၊ ဒါဆို ဒီဖေဖေကြီးက မင်းအသက်ကိုချမ်းသာပေးမယ်!"
"ဝေ့လျန်ယွဲ့၊ ငါ့မှာ မသေမျိုးအိမ်တော်မရှိဘူး! သူများကို လုပ်ကြံပြောနေတာရပ်လိုက်တော့! မင်းကမှ မသေမျိုးအိမ်တော်ကိုရလိုက်တဲ့လူလို့ ငါ သံသယရှိတယ်!"
VOCÊ ESTÁ LENDO
Unparalleld Leveling (Realm - 8) [Myanmar Translation]
Ficção HistóricaName(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : Unparalleld Leveling (Realm - 8) E-tran...
![Unparalleld Leveling (Realm - 8) [Myanmar Translation]](https://img.wattpad.com/cover/273894481-64-k59353.jpg)